ޕްރިޔަންކާގެ ހެދުމަށް ގިނަ ބަޔަކު މަލާމަތް ކޮށްފި
8 މެއި 2019 | ބުދަ 05:51މީހަކު ވަނީ ދަނޑުވެރިންނަށް "ސްކެއަރ ކްރޫއެއް" ލިބުނު ކަމަށް ކޮމެންޓް ކޮށްފައި
ނިކް ޖޯނަސް އާއި ޕްރިޔަންކާ ޗޯޕްރާ. މެޓް ގާލާ 2019
އެކްޓަރ ޕްރިޔަންކާ ވަނީ ރެޑް ކާޕެޓް އޭނާ އަށް ވަރަށް ޚާއްސަ ކަން އެނެއްކާ ވެސް މުޅި ދުނިޔެއަށް ދައްކާލާފައެވެ.
ނިއު ޔޯކް ގެ މެޓްރޯޕޮލިޓަން މިޔުޒިއަމް އޮފް އާރޓްސް ގައި ބޭއްވި މެޓް ގާލާ 2019 ގައި ޕްރިޔަންކާ ވަނީ ތަފާތު ހެދުމެއްގައި ފެނިގެން ގޮސްފައެވެ.
ޕްރިޔަންކާ ފެނިގެން ގޮސްފައިވާ ސިލްވަރ ކުލައިގެ ހެދުމާއި ބުޅިކޮށް ހުރި ކުރު އިސްތަށިގަނޑަށް ވަނީ ގިނަ ބައެއްގެ ފާޑު ކިއުން އަމާޒުވެފައެވެ.
ޓުވިޓާ އާއި އިންސްޓަގްރާމުގައި ގިނަ ބަޔަކު ވަނީ ޕްރިޔަންކާގެ ފޮޓޯ ހިއްސާކޮށް އެ ހެދުމަށް ޖޯކު ޖަހާފައެވެ.
ފޮޓޯ ހިއްސާކުރުމަށް ފަހު ފޮޓޯގެ ކެޕްޝަންގައި މީހަކު ވަނީ "ޕްރިޔަންކާ ގޯސްލާ" ލިޔެފައެވެ.
އިތުރު މީހަކު ވަނީ ދަނޑުވެރިންނަށް "ސްކެއަރ ކްރޫއެއް" ލިބުނު ކަމަށް ކޮމެންޓް ކޮށްފައެވެ.
ޕްރިޔަންކާ ހީވަނީ ކަރަންޓްގައި ޖެހިފައި ހުރި މީހެއް ހެން ކަމަށް ވެސް މީހަކު ވަނީ ކޮމެންޓް ކޮށްފައެވެ.
ވިރޫ ޝަހާސްތްރަބުއްދީ އާއި ޕްރިޔަންކާ ވައްތަރީ ކީއްވެތޯ ވެސް މީހަކު ވަނީ ސުވާލު ކޮށްފައެވެ.
ޕްރިޔަންކާގެ އިތުރުން ވެސް އިތުރު ސެލްބްރިޓީންގެ ހެދުމަށް ގިނަ ބަޔަކު ވަނީ ޖޯކު ޖަހާފައެވެ. އޭގެ ތެރޭގައި ލޭޑީ ގާގާ އާއި ޖެރެޑް ލެޓޯ އަދި ކެޓީ ޕެރީގެ އިތުރުން ގިނަ ސެލްބްރިޓީންގެ ހެދުމަށް ގިނަ ބަޔަކު ވަނީ މަލާމަތް ކޮށްފައެވެ.
މެޓް ގާލާ އަކީ އަބަދުވެސް ގިނަ ސެލްބްރިޓީން ބައިވެރިވާ ބޮޑު ފެޝަން އިވެންޓެކެވެ. މި އަހަރުގެ ތީމްއަކީ "ކޭމްޕް: ނޯޓްސް އޮން ފެޝަން"އެވެ.
