މިއަހަރު ކޭންސް ފިލްމު ފެސްޓިވަލްގައި ދައްކާ ފުރަތަމަ ފިލްމަކަށް އެވްރިބޮޑީ ނޯސް

މެއި މަހުގެ 8 އިން 19 ވަނަ ދުވަހާއި ހަމައަށް ބާއްވާ ކޭންސް ފިލްމް ފެސްޓިވަލްގައި އެންމެ ފުރަތަމަ "އެވްރީބޮޑީ ނޯސް" އެޅުވުމަށް ހަމަޖެހިފައިވާކަން އިޢުލާނުކޮށްފިއެވެ.

މީގެ އިތުރުން މި އަހަރުގެ ކޭންސް ފިލްމު ފެސްޓިވަލްގައި ވާދަކުރާ ފިލްމުތައްވެސް މިހާރު ވަނީ އިއުލާންކޮށްފައެވެ.

އެވްރީބޮޑީ ނޯސް އަކީ ދެ ފަހަރަށް އޮސްކާ އެވޯޑް ހާސިލްކޮށްފައިވާ ފިލްމެކެވެ. މި ފިލްމަކީ އިރާންގެ ޑައިރެކްޓަރު އަސްގަރް ފަރްހާދީ ޑައިރެކްޓްކޮށްފައިވާ ފިލްމެކެވެ. މި ފިލްމުގެ ލީޑް ރޯލް ކުޅެފައި ވަނީ ޕިނެލޮޕީ ކްރޫޒާއި ހާވިއާ ބާޑެމް އަދި ރިކާޑޯ ޑާރީންއެވެ.

މިފަހަރުގެ ކޭންސް ފިލްމު ފެސްޓިވަލްގައި އެންމެ ފާހަގަކޮށްލެވޭ ކަމަކީ ގިނަ އަަހރުތަކެއް ވަންދެން ފިލްމީ ދާއިރާ ވަރަށް ބޮޑަށް ހިފަހައްޓާފައި އޮތް ސައުދީ އަރަބިއާއިން މި އަހަރު މި ފެސްޓިވަލްގައި ބައިވެރިވުމެވެ. ޚަބަރުތައް ބުނާގޮތުގައި ސައުދީން މިފެސްޓިވަލަށް ނުވަ ކުރު ފިލްމު ހުށައަޅާނެއެވެ.

ކުރިއަށް އޮތް އަހަރުގެ ތެރޭގައި ފެށުމަށް ހަމަޖައްސާ ފިލްމާއި ޑޮކިއުމެންޓްރީތަކާއި ގުލޭ މައުލޫމާތުވެސް ހާމަކުރުމަށް ހަމަޖެހިފައިވާ ކޭންސް ފިލްމު ފެސްޓިވަލްގެ ޖޫރީ ރައީސަކީ އޮސްޓްރޭލިއާގެ ބަތަލާ ކޭޓް ބްލެންޝެޓެވެ.

މި އަހަރުގެ ކޭންސް ފިލްމް ފެސްޓީވަލް ބޭއްވުމަށް ތައްޔާރުވަމުން އަންނައިރު، ނެޓްފްލިކްސްގެ ޗީފް ކޮންޓެންޓް އޮފިސަރު (ސީސީއޯ) ޓެޑް ސެރެންޑޯޒް ވަނީ ކޭންސް ފިލްމް ފެސްޓީވަލްގެ ބޯޑަށް ވަރަށް ބޮޑަށް ފާޑު ކިޔާފައެވެ. ޓެޑް މިފަދައިން އެ ފެސްޓިވަލަށް ފާޑުކިޔާފައިވަނީ އެހެން އަހަރުތަކެކޭ އެއްގޮތަށް، ސިނަމާތަކުގައި ރިލީޒް ނުކުރާ ފިލްމްތަކަށް ކޭންސް އިން މި އަހަރު ފުރުސަތު ނުދޭން ނިންމުމާ ގުޅިގެންނެވެ.