އަލްޖަޒާއިރުގެ ސަހަރާތަކުން ޚިނާއޫއީ ވިޔަފާރި ކޮޅަށް ޖެހީ ކީރިތި ޤުރުއާންގެ އަލީގައި!

އަލްޖަޒާއިރަށް އުފަން އައްމާރު ޚިނާއޫއީއަކީ ކަދުރު ތެލުގެ ވިޔަފާރި، ދާދި ފަހުން ފެށި މީހެކެވެ. ދޭސީ ފެންވަރެއްގައި ކުރިއަށް ގެންދާ ވިޔަފާރި، ބައިނަލްއަޤުވާމީ ބާޒާރުތަކަށް ފުޅާ ކުރުމަކީ މިއަދު އޭނާ ދެކެމުންދާ ހުވަފެނެކެވެ.

ޚިނާއޫއީގެ ވިޔަފާރި ފެށިގެން އައި ގޮތުގެ ވާހަކައަކީ، ކޮންމެ މުސްލިމަކަށްވެސް ޢިބްރަތުން ފުރިގެންވާނެ ވާހަކައެއް ކަން ޔަޤީނެވެ. ޚިނާއޫއީއަކީ، މާތް ﷲގެ ކަލާމްފުޅު ނުވަތަ ކީރިތި ޤުރުއާން ކިއެވުމުގައި ޤަވައިދުން ވަޤުތު ހޭދަ ކުރާ މީހެކެވެ. އެ ގޮތަށް ޤުރުއާން ކިޔަވަމުން ދިޔަ ދިއުމުގެ ތެރޭގައި ޚިނާއޫއީގެ ސަމާލުކަން ހޯދި އެއް ކަމަކީ، ކީރިތި ޤުރުއާނުގައި ކަދުރު ރުކު ވާހަކަ ބަޔާންވެގެންވާވުމެވެ.

އެހާ ހިސާބުން، ކަދުރު ރުކާ ބެހޭ އިތުރު މަޢުލޫމާތުތައް އުނގެނުމަށް ޚިނާއޫއީގެ ހިތުގައި ޝަޢުޤު އުފެދުނެވެ. ކަދުރު ރުކާ ބެހޭ ދިރާސާތައް ފަށާ، ކަންކަން ދަސް ކުރަން ފެށިއެވެ. އިސާހިތަކު، ކަދުރު އޮށުން ހާނާ ތެލުގައި ހުރި ފައިދާތަކުގެ ބޮޑުކަން އޭނާއަށް އެނގުނެވެ.

11 އަހަރު ފަހެވެ. "އިނޯވާޕާމް"ގެ ނަމުގައި، ޚިނާއޫއީ، އޭނާގެ އަމިއްލަ ކުންފުންޏެއް އުފެއްދިއެވެ. އެ ކުންފުނީގެ މަސައްކަތަކީ ކަދުރު އޮށުން ތެޔޮ ހޭނުމެވެ.

މީގެ 4 ވަރަކަށް މަސްދުވަސް ކުރިން ހުޅުވި އިނޯވާޕާމްއިން ކަދުރު ތެޔޮ އުފައްދަނީ ކޯލްޑް ޕްރެސް ޓެކްނޮލޮޖީ ބޭނުންކޮށްގެންނެވެ. 1 ލީޓަރުގެ ތެޔޮ ނެގުމަށް، ދެތިން ޓަނުގެ ކަދުރު އޮށުން ތެޔޮ ހާނަންޖެހެއެވެ.

ޚިނާއޫއީގެ މަޝްރޫއަކީ ތިމާވެއްޓާ ރައްޓެހި މަޝްރޫއެކެވެ. ޚިނާއޫއީގެ ކާރުޚާނާއިން އުފައްދާ ކަދުރު ތެލަކީ ޒީނަތްތެރިވުމަށް ބޭނުން ކުރާ ސާމާނުގެ އިތުރުން، ބޭސް އުފެއްދުމާއި ކާބޯތަކެތި ތައްޔާރު ކުރަންވެސް ބޭނުން ކުރެވިދާނެ ތެލެއް ކަމަށް އޭނާ ބުނެއެވެ.

ކާރުހާނާގެ އުފެއްދުންތެރިކަމާ މެދު ޚިނާއޫއީ ފަޚްރުވެރިއެވެ.

އިސްލާމް ދީނުގެ އަލީގައި، ނަފްސަށް ފަރުވާދޭނެ ގޮތްތައް ބަޔާންކޮށްދެއްވަމުން، މުސައްނިފު އާމިރު އަޔާދު، އޭނާގެ ފޮތް، "ހީލިންގް ބޮޑީ އެންޑް ސޯލް"ގައި ލިޔުއްވާފައި ވާ ގޮތުގައި، ކީރިތި ޤުރުއާނުގައި، ކާތަކެތީގެ މަސްދަރުތަކުގެ ތެރެއިން، އެންމެ ގިނަ އަދަދަކަށް ނަންގަނެވިފައިވަނީ ކަދުރުގެ ވާހަކައެވެ.