އަހަރެން ސިންގަލްކޮށް މިހުންނަނީ އަޖޭގެ ސަބަބުން: ތައްބޫ
އަޖޭ އާއި ަތއްބޫ އަކީ ގާތް ދެ އެކުވެރިން
ްއަޖޭ އާއި ަތއްބޫ
އޭނާގެ އުމުރުން 46 އަހަރު ވީއިރުވެސް ސިންގަލްކޮށް ހުންނަނީ އަޖޭދޭވްގަންގެ ސަބަބުން ކަމަށް ބޮލީވުޑްގެ ފިލްމީތަރި ތައްބޫ ބުނެފިއެވެ.
ތައްބޫ އަދި މިހާތަނަށް ކައިވެންޏެއް ކޮށްފައިނުވާއިރު އޭނާ އިންޑިއާގެ ނޫހަކަށް ދާދިފަހުން ދިން އިންޓަވިއުއެއްގައި ބުނެފައިވަނީ އޭނާ ކުޑައިރުއްސުރެ ފުރާވަރު އުމުރަށް އައިއިރުވެސް އޭނާ ވާހަކަ ދައްކަނީ ކޮން ފިރިހެން ކުދިންތަކަކާތޯ ނުވަތަ ދަނީ ކޮންތަނަކަށްތޯ ބަލަން އަޖޭ އާއި އޭނާގެ ބޭބެ ފާރަލާ ކަމަށެވެ.
އޭރު ފިރިހެން ކުއްޖަކާ އޭނާ ވާހަކަ ދައްކަން ހުއްޓާ ފެނިއްޖެ ނަމަ އެ ކުއްޖަކަށް އަނިޔާކޮށް ވާހަކަ ދެއްކިޔަ ނުދިނުމަށް ކުރެވެން ހުރި ހުރިހާ ކަމެއް ކުރާ ކަމަށް ތައްބޫ ބުނެފައިވެއެވެ.
ތައްބޫ ބުނެފައިވަނީ އަޖޭ އާއި އޭނާގެ ގުޅުމަކީ ބޭބެ އަކާއި ކޮއްކޮއަކާއި އޮންނާނެ ގުޅުމެއްކަމަށެވެ. އެގޮތުން އަޖޭއަކީ އޭނާގެ ބޭބެއެއް ކަހަލަ ރައްޓެއްސެއްކަމަށް އޭނާ ބުންޏެވެ. އަދި ހަމައެހެންމެ ފިލްމީ ދާއިރާގައި އެންމެ އިތުބާރު ކުރެވޭ މީހަކީ އަޖޭކަމަށާއި އޭނާ އާއި އަޖޭއާއި ދެމެދު އުފެދިފައިވާ ގާތް ރައްޓެހިކަމަކީ ކުޑައިރުއްސުރެ އޮންނަ ރައްޓެހިކަމެއްކަމަށް ތައްބޫ ބުންޏެވެ.
އަޖޭ އާއި ތައްބޫވަނީ އެކީގައި ބޮލީވުޑްގެ ފިލްމުތައްވެސް ކުޅެފައެވެ. އޭގެ ތެރޭގައި "ހަގީގަތު"(1995)، "ފިތޫރު"(2016)، "ދަކްޝަކް"(1999) ހިމެނެއެވެ.
