ތޮއްޑޫ ދާގަބާ ސަރަޙައްދު ސައިޓް މިއުޒިއަމަކަށް ހެދުމަށް ބޭނުންވާ ކޮންސެޕްޓް ޑިޒައިން ހަދައިދޭނެ ފަރާތެއް ހޯދަނީ
ބީލަން ހުށައެޅުން އޮންނާނީ 29 ޖަނަވަރީ 2023 ވާ އާދިއްތަ ދުވަހު
ތޮއްޑޫ ދާގަބާ ސަރަޙައްދު
ސަގާފީ ތަރިކަ ރައްކާތެރިކުރާ ޤައުމީ މަރުކަޒުން ދޭ މަޢުލޫމާތާއި އެއްގޮތަށް އއ. ތޮއްޑޫ ދާގަބާ ސަރަޙައްދު ސައިޓް މިއުޒިއަމެއްގެ ގޮތަށް ތަރައްޤީކުރުމަށް ބޭނުންވާ ކޮންސެޕްޓް ޑިޒައިން އަދި ތަފްޞީލީ ކުރެހުންތައް ތައްޔާރު ކޮށްދޭނެ ފަރާތެއް ހޯދުމަށް އިއުލާނުކޮށްފިއެވެ.
މިމަސައްކަތް ކޮށްދިނުމަށް ޝައުޤުވެރިވެލައްވާ ކުދި އަދި މެދު ފަންތީގެ ވިޔަފާރި ދަފުތަރުގައި ރަޖިސްޓްރީ ކޮށްފައިވާ ހުރިހާ ފަރާތްތަކަށް މިފުރުޞަތު ވަނީ ހުޅުވާލާފައެވެ.
މި މަސައްކަތުގެ މަޢުލޫމާތު ސާފުކުރުން (ޕްރީ ބިޑް މީޓިންގ) އޮންނާނީ 22 ޖަނަވަރީ 2023 ވާ އާދިއްތަ ދުވަހުގެ 11:00 ގައި ސަގާފީ ތަރިކަ ރައްކާތެރިކުރާ ޤައުމީ މަރުކަޒު (ޤައުމީ ދާރުލްއާސާރު އިމާރާތް) އަދި އއ. ތޮއްޑޫ ކައުންސިލްގެ އިދާރާ (އއ. ތޮއްޑޫ) ގައެވެ.
އޭގެ އިތުރުން، ބީލަން ހުށައެޅުން އޮންނާނީ 29 ޖަނަވަރީ 2023 ވާ އާދިއްތަ ދުވަހުގެ 11:00 ގައި ސަގާފީ ތަރިކަ ރައްކާތެރިކުރާ ޤައުމީ މަރުކަޒު (ޤައުމީ ދާރުލްއާސާރު އިމާރާތް) އަދި އއ. ތޮއްޑޫ ކައުންސިލްގެ އިދާރާ (އއ. ތޮއްޑޫ) ގައެވެ. މަޢުލޫމާތު ސާފުކުރެއްވުމަށާއި އަންދާސީ ހިސާބު ހުށަހަޅުއްވަން ގަޑިއަށް ޙާޟިރު ނުވާ ފަރާތްތަކަށް ބިޑްގައި ބައިވެރި ނުވެވޭނޭކަމަށް ވަނީ ބަޔާންކޮށްފައެވެ.
އިތުރު މަޢުލޫމާތު ހޯއްދެވުމަށް 3340236 ނަންބަރު ފޯނަށް ގުޅުއްވުމަށް ވަނީ އެދިފައެވެ.
