ރަޝިއާއިން ހެނދުނު ކިއެވްއަށް ދިން ހަމަލާތަކަށްފަހު އިތުރު މިސައިލް ހަމަލާތަކެއް ދީފި
މިހަމަލާތައް ދީފައި މިވަނީ، ފުރަތަމަ ދިން ހަމަލާތަކަށްފަހު މަދު ގަޑިއިރުތަކެއްގެ ތެރޭގައި
ހޮނިހިރު ދުވަހު ރަޝިއާއިން ވަނީ ޔޫކްރެއިންގެ ހަތަރު ސަރަހައްދަކަށް ހަމަލާދީފައި
ހޮނިހިރު ދުވަހުގެ ހެނދުނު ރަޝިއާއިން ޔޫކްރެއިންގެ ވެރިރަށް ކިއެވްއަށް ދިން މިސައިލް ހަމަލާތަކަށްފަހު ޔޫކްރެއިންގެ އިތުރު އެހެން ސަރަހައްދުތަކަށްވެސް މިސައިލް ހަމަލާތައް މިވަނީ ދީފައެވެ.
ހޮނިހިރު ދުވަހުގެ ހެނދުނު ރަޝިއާގެ މިސައިލް ހަމަލާތައް އަމާޒުވެފައިވަނީ ޔޫކްރެއިންގެ ވެރިރަށް ކިއެވް އަދި އިރުމަތީ ސީޓީ ޚާކިވްއަށެވެ.
އޭގެފަހުން ރަޝިއާގެ ހަމަލާތައް ހުޅަނގުގެ ލިވިސް ސިޓީއާއި އޮޑެއްސާގެ ބަނދަރަށް އަމާޒުވެފައިވާކަމަށް ޔޫކްރެއިންގެ އޮފިޝަލުން ބުނެއެވެ. މިހަމަލާތައް ދީފައި މިވަނީ ފުރަތަމަ ދިން ހަމަލާތަކަށްފަހު މަދު ގަޑިއިރުތަކެއްގެ ތެރޭގައިއެވެ.
ރަޝިއާއިން ޔޫކްރެއިނަށް އަރައި ހަމަލާދޭން ފަށާފައި ވަނީ 2022 ވަނަ އަހަރުގެ ފެބްރުއަރީ މަހުގެ 24 ވަނަ ދުވަހުއެވެ. މިދިޔަ އަހަރުގެ އޮކްޓޫބަރު މަހުން ފެށިގެން ރަޝިއާއިން ޔޫކްރެއިނަށް ދެމުންދާ ހަމަލާތައް އިތުރުކޮށް، އެގައުމުގެ އިންޖީނުގެ ތަކަށާއި އުމްރާނީ ބިނާތަކަށް މިސައިލް އަދި ޑްރޯން ހަމަލާތައް ދަނީ ދެމުންނެވެ.
