ރާއްޖެ
ފިޔޯރީ ސްކޫލުގައި އަލިފާން ރޯވުން
ފިޔޯރީ ސްކޫލު ބޭނުންނުކުރެވޭވަރަށް އަނދައި ހުލިވަނީ
މި ހާދިސާ ހިނގަން މެދުވެރިވި ސަބަބު ދެެނެގަނެވިފައެއް ނުވޭ
ތޯހިރާ އަޒްހާރް, ރާއްޖެ އެމްވީ | 8 ޖެނުއަރީ 2023 | އާދީއްތަ 13:21
ފިޔޯރީ ސްކޫލުގައި އަލިފާން ރޯވުން
ގދ. ފިޔޯރީ ސްކޫލުގައި އަލިފާނުގެ ހާދިސާއެއް ހިނގައިފިއެވެ.
މައުލޫމާތުލިބޭގޮތުގައި އަލިފާން ރޯވެފައިވަނީ ފިޔޯރީ ސްކޫލްގެ ހޯލުގައެވެ. އަލިފާނުގެ ހާދިސާ ހިނގުމާއެކު ގދ. ތިނަދޫ ފަޔަރ ސްޓޭޝަނުން އެރަށަށް ދިއުމަށް ދަތުރު ފަށާފައިވާކަމަށް އެމްއެންޑީއެފުން މައުލޫމާތުދެއެވެ. އެ ރަށަށް ދިއުމަށް ގާތްގަނޑަކަށް 45 ވަރަކަށް މިނެޓު ހޭދަވާނެ ކަމަށް އެމްއެންޑީއެފުން ބުނެފައިވެއެވެ.
މި ހާދިސާގައި އެ ސްކޫލުގެ އިމާރާތް ބޭނުން ނުކުރެވޭ ވަރަށް ދަނީ އަނދަމުންނެވެ. އަލިފާން ރޯވާން މެދުވެރިވި ސަބަބު އަދި ދެނެގަނެވިފައިނުވާކަމަށް އެމްއެންޑީއެފުން ބުނެފައިވެއެވެ.
