11 ކިލޯގެ ކެނެބިސް އަތުލައިގަނެ، 4 މީހަކު ހައްޔަރުކޮށްފި
މި މައްސަލައާ ގުޅިގެން މިހާރު ފުލުހުން ވަނީ ތަހުގީގެއް ފަށާފައި
ލައިޝާ އަހްމަދު | 8 ޖެނުއަރީ 2023 | އާދީއްތަ 06:01
މި އޮޕަރޭޝަންގައި 11.26 ކިލޯގެ ކެނެބިސް އަތުލައިގެންފައިވޭ
މަސްތުވާތަކެއްޗާ ދެކޮޅަށް ފުލުހުންގެ ކައުންޓަރ ނާކޮޓިކްސް އިން ޚާއްސަ އޮޕަރޭޝަނެއް ކުރިއަށް ގެންގޮސްފިއެވެ.
އެކަމާ ގުޅޭގޮތުން ކޮމިޝަނަރ އޮފް ޕޮލިސް (ސީޕީ) މުހައްމަދު ހަމީދު ވިދާޅުވީ، މި އޮޕަރޭޝަން ހިންގާފައިވަނީ ހޮނިހިރު ދުވަހު ހަވީރު ކަމަށެވެ.
މި އޮޕަރޭޝަންގައި މާލޭގެ 4 ސަރަޙައްދަކާއި ހުޅުމާލޭގެ ސަރަޙައްދެއް ބަލައި ފާސްކޮށްފައިވެއެވެ. އަދި 4 މީހަކު މި މައްސަލައާ ގުޅިގެން ވަނީ ހައްޔަރު ކޮށްފައެވެ.
ސީޕީ ވިދާޅުވީ، މި އޮޕަރޭޝަންގައި 11.26 ކިލޯގެ ކެނެބިސް އަތުލައިގެންފައިވާ ކަމަށެވެ.
މި މައްސަލައާ ގުޅިގެން މިހާރު ފުލުހުން ވަނީ ތަހުގީގެއް ފަށާފައެވެ.
