އާރްޓީއެލް ފެރީއެއް ނޫމަރާ ނެރުގެ ފައިކަށްޓަށް އަރައިފި
8 ޖެނުއަރީ 2023 | އާދީއްތަ 02:49މި ފެރީގައި ދަތުރުކުރަމުންދިޔައީ 4 ފަޅުވެރިންނާއި، 4 ފަސިންޖަރުން
ފެރީއެއް ނޫމަރާ ނެރުގެ ފައިކައްޓަށް އެރުން
އެމްޓީސީސީ ފެރީ ލޯންޗެއް ކަމުގައިވާ އާރުޓީއެލް 112 ނަންބަރު ލޯންޗު ށ. ނޫމަރާއަށް ވަންނަން އުޅުމުގެ ތެރޭގައި އެރަށުގެ ނެރު ފައިކަށްޓަށް އަރައިފިއެވެ.
އެމްއެންޑީއެފުން ބުނީ މި ހާދިސާގެ ރިޕޯޓު އެ އިދާރާއަށް ލިބުނީ ހޮނިހިރު ދުވަހުގެ އިރުއޮއްސި 18:04 އެހާއިރު ކަމަށެވެ. އަދި އެއާއެކު އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންގެ ހާބަރކްރާފްޓް ލޯންޗު ވަގުތުން ހަރަކާތްތެރިވާން ފަށާފައިވާކަމަށެވެ.
މި ހާދިސާ ހިނގިއިރު އެ ލޯންޗުން ދަތުރު ކުރީ، ހަތަރު ފަޅުވެރިންނާއި ހަތަރު ފަސިންޖަރުންނާއެކު ޖުމްލަ އަށް މީހުންނެވެ. މި ހާދިސާގައި އެ ލޯންޗުން ދަތުރުކުރި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
އެމްއެންޑީއެފުން ބުނީ މި ހާދިސާގައި ލޯންޗުން 10 ވަރަކަށް ފޫޓު ފަޅައިގެން ގޮސްފައިވާކަމަށެވެ. އަދި ދިޔަ ހިއްކައި ނިންމުމަށްފަހު ކުޅުދުއްފުއްޓަށް ގެންދިއުމަށް އެމްޓީސީސީން ނިންމާފައިވާކަމަށް އެމްއެންޑީއެފުން ބުނެފައިވެއެވެ.
