ތެޔޮ ބަރުކޮށްގެން ދަތުރުކުރި ބާޖެއް ނޫމަރާގެ ނެރު މައްޗަށް އުރިއްޖެ
31 ޖުލައި 2021 | ހޮނިހިރު 06:38ބާޖުގައި އެއްލައްކަ ލީޓަރުގެ ޑީސަލާއި 15،000 ލީޓަރުގެ ޕެޓްރޯލް އެބަހުރި
ނޫމަރާގެ ނެރުމައްޗަށް އުރުނު ތެޔޮ ބާޖު
ޕެޓްރޯލާއި ޑީސަލް ބަރުކޮށްގެން ދަތުރުކުރި ބާޖެއް ށ.ނޫމަރާގެ ނެރު މައްޗަށް އުރިއްޖެއެވެ.
މިހާދިސާގެ ރިޕޯޓު އެމްއެންޑީއެފަށް ލިބިފައިވަނީ ހޮނިހިރު ދުވަހުގެ ހެނދުނު 6:59 ހާއިރެވެ.
އެމްއެންޑީއެފުން ބުނީ 5 މީހުންނާއެކު ދަތުރުކުރި އެފްއެސްއެމްގެ ތެޔޮ ބާޖު ''މެކުނު'' ނޫމަރާގެ ހުޅަނގު ފަރާތު ނެރުމައްޗަށް އުރިގެން ކޯސްޑްގާޑުން ހަރަކާތްތެރިވަމުންދާ ކަމަށެވެ. ބާޖު ފަރަށް އެރީ ށ.ފޯކައިދޫއިން ހދ.ނޭކުރެންދޫއަށް ދަތުރުކުރަމުންދަނިކޮށް ކަމަށް އެމްއެންޑީއެފުން ބުނެއެވެ.
އެ ބާޖުގައި އެއްލައްކަ ލީޓަރުގެ ޑީސަލާއި 15،000 ލީޓަރުގެ ޕެޓްރޯލް އެބަހުރި ކަމަށާއި ބާޖުގައި ހުރި ތެޔޮ މިހާތަނަށް މޫދަށް ލީކުވެފައިނުވާ ކަމަށް އެމްއެންޑީއެފުން ބުނެއެވެ. ބާޖުގެ ވެރިފަރާތުން ބާޖު ފުންކުރުމަށް އެހެން ބޯޓެއްގެ އެހީތެރިކަން ހޯދަމުންދާ ކަމަށް ވެސް ބުނެއެވެ.
