މާފުށީ ޖަލުގައި ގައިދީންގެ މެދުގައި މާރާމާރީއެއް ހިންގައިފި
7 ޖެނުއަރީ 2023 | ހޮނިހިރު 16:54މި މާރާމާރީގައި ގައިދީއެއްގެ އަނގަމަތި ފަޅައިގެން ގޮސްފައިވޭ، އިތުރު ބޮޑު އަނިޔާއެއް ނުލިބޭ
އިދުހާމް ނަޢީމް | 7 ޖެނުއަރީ 2023 | ހޮނިހިރު 16:54
މާފުށި ޖަލު
މާފުށީ ޖަލުގައި ގައިދީންތަކެއް މާރާމާރީއެއް ހިންގައިފިއެވެ.
ފުލުހުން ބުނީ ހޮނިހިރު ދުވަހުގެ ހަވީރު މާފުށީ ޖަލުގައި ގައިދީންތަކެއްގެ މެދުގައި މާރާމާރީއެއް ހިންގައިގެން ރިޕޯޓް ކޮށްފައިވާ ކަމަށެވެ. މި މާރާމާރީގައި ގައިދީއެއްގެ އަނގަމަތި ފަޅައިގެން ގޮސްފައިވާ ކަމަށާއި އިތުރު ބޮޑު އަނިޔާއެއް ނުލިބޭ ކަމަށް ވެސް ފުލުހުން މައުލޫމާތުދީފައި ވެއެވެ.
މީގެ އިތުރުން މި މާރާމާރީގައި ތޫނު އެއްޗެއް ބޭނުންކުރިކަން މިހާތަނަށް ބެލިބެލުމުން އެނގިފައިނުވާ ކަމަށް ވެސް ފުލުހުން ބުނެފައި ވެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
