އެމެރިކާއަށް އެތެރެ ކުރި 500 ކިލޯގެ ސަންދޯކު މަތިގަނޑު، އަނބުރާ އޭގެ އަސްލަށް!
އެމެރިކާއިން މިޞްރާ އެ ސަންދޯކުގެ މަތިގަނޑު ހަވާލުކޮށްފައި ވަނީ ޘަޤާފީ އުފެއްދުންތަކުގެ ޣައިރު ޤާނޫނީ ވިޔަފާރި ހުއްޓުވުމަށް ދޭދޭ ފެންވަރުގައި 2016 އަދި 2021 ގައި އެކުލަވާފައިވާ ފަހުމްނާމާތަކުގެ ދަށުން
މިޞްރުގެ ތާރީޚާ ގުޅިފައިވާ އާޘާރީ ސަންދޯކެއްގެ މަތިގަނޑު، އެމެރިކާއިން މިޞްރާ ޙަވާލު ކުރުން
މިޞްރުގެ ތާރީޚާ ގުޅިފައިވާ އާޘާރީ ސަންދޯކެއްގެ މަތިގަނޑު، އެމެރިކާއިން މިޞްރާ ޙަވާލު ކޮށްފައި ވާ ކަމަށް މިޞްރުން ހާމަ ކޮށްފިއެވެ.
ފެހި ކުލައިގެ އެ ސަންދޯކު މަތިގަނޑަކީ، ޤަދީމީ މިޞްރުގެ ދަޢުލަތުގެ އިސް އޮފިޝަލެއްގެ ސަންދޯކުގެ މަތިގަނޑު ކަމަށް ޤަބޫލު ކުރެވޭ ކަމަށާ، އެ މަތިގަނޑުގެ ބަރުދަނުގައި ގާތްގަނޑަކަށް 500 ކިލޯގްރާމް ހުންނަ ކަމަށް، މިޞްރުގެ އޮފިޝަލުން ވިދާޅުވެއެވެ.
ނޫސްވެރިންގެ ބައްދަލުވުމެއްގައި ވާހަކަދައްކަވަމުން މިޞްރުގެ ފޮރިން މިނިސްޓަރ ސާމިހް ޝުކްރީ ވިދާޅުވީ، އާޘާރީ ސަންދޯކުގެ މަތިގަނޑު، އެމެރިކާއިން މިޞްރާ ހަވާލުކޮށްފައި ވަނީ ޘަޤާފީ އުފެއްދުންތަކުގެ ޣައިރު ޤާނޫނީ ވިޔަފާރި ހުއްޓުވުމަށް ދޭދޭ ފެންވަރުގައި 2016 އަދި 2021 ގައި އެކުލަވާފައިވާ ފަހުމްނާމާތަކުގެ ދަށުން ކަމަށެވެ.
ފެހި ސަންދޯކުގެ ބަރު މަތިގަނޑު ލިބުނު ކަމުގައި ވީ ނަމަވެސް، އެ އާޘާރަށް ބޮޑެތި ގެއްލުންތަކެއް ލިބިފައި ވާ ކަމަށް މިޞްރުން ބުނެއެވެ.
ފާއިތުވީ 10 ވަރަކަށް އަހަރު ދުވަހަށް ބަލާއިރު އެކަނިވެސް، މިޞްރުން ވަނީ ޤަވައިދާ ޚިލާފަށް އެހެން މަންޒިލްތަކަށް އެތެރެ ކޮށްފައި ވާ، އެ ޤައުމުގެ ތާރީޚާއި އާޘާރުތަކާ ގުޅިފައިވާ 29300 އައިޓަމެއް އަނބުރާ ހޯދާފައެވެ.
