ކ. މާލެ
|
1 ޖެނުއަރީ 2023 | އާދީއްތަ 19:58
މީރާ
މީރާ
ޔޫސުފް ސޮފްވާން ރަޝީދު
ޖީއެސްޓީއާއި ޓީޖީއެސްޓީ ބޮޑުކުރުން
ޖީއެސްޓީއާއި ޓީޖީއެސްޓީ ބޮޑުކުރުން: އާއްމުންގެ ޝަކުވާތައް ބޮޑު
 
ޖީ.އެސްޓީ ރޭޓް %8ށް ވަނީ ބޮޑުކޮށްފައި
 
އެ ފިޔަވަޅުތައް ނާޅާނަމަ 14 ބިލިއަން ރުފިޔާއަށް ޑެފިސިޓް ބޮޑުވެގެން ދާނެކަަމަށް ސަރުކާރުން ބުނޭ

މުދަލާއި ޚިދުމަތުން ނަގާ ޓެކްސް ނުވަތަ ޖީ.އެސްޓީ ރޭޓަށް އާދިއްތަ ދުވަހު ގެނައި ބަދަލާއެކު ޖީއެސްޓީ %8ށް ބަދަލުވުމާ ގުޅިގެން އާއްމުން ދަނީ އެކަމާމެދު ކަންބޮޑުވުން ފާޅުކުރަމުންނެވެ. އާދިއްތަ ދުވަހުން ފެށިގެން، ފަތުރުވެރިކަމުގެ މުދަލާއި ޚިދުމަތުން ނަގާ ޓެކްސް (ޓީ.ޖީ.އެސް.ޓީ) %16ށް، އަދި މުދަލާއި ޚިދުމަތުން ނަގާ ޓެކްސް %8ށް ބޮޑުވާނެއެވެ. މި ބަދަލާއެކު ތަކެތީގެ އަގު އުފުލި، އާއްމުންގެ ޝަކުވާއާއި ކަންބޮޑުވުންތައް ވަނީ އިންތިހާއަށް އިތުރުވެފައެވެ. ޖީއެސްޓީ ނެގުމަކީ ވަގުތުން ވަގުތަށް ހުއްޓާލަންޖެހޭ ކަމެއް ކަމަށްވެސް އެ ފަރާތްތަކުން ދަނީ ބުނަމުންނެވެ. ސަރުކާރަށް ތާއީދުކުރާ ބައެއް ފަރާތްތަކުންވެސް ދަނީ މި ބަދަލަށް ފާޑުކިޔަމުންނެވެ.

ބައެއް އާއްމުން އެ ބަދަލަށް ފާޑުކީނަމަވެސް, އެ ބަދަލަކީ އިގްތިސާދީ ގޮތުން މުހިންމު ބަދަލެއް ކަމަށް ސަރުކާރުން ބުނެއެވެ. އެގޮތުން މަޖިލީހުގައި 2023 ވަނަ އަހަރުގެ ބަޖެޓާ ގުޅޭގޮތުން ވާހަކަފުޅުދައްކަވަމުން ފިނޭންސް މިނިސްޓަރު އިބްރާހިމް އަމީރު ވަނީ, ޑެފިސިޓް ކުޑަކުރާނެ ކަމަށް ވިދާޅުވެފައެވެ. ޖީއެސްޓީއާއި ޓީޖީއެސްޓީއަށް ގެންނަ ބަދަލުތަކަކީ އެ މަސައްކަތުގެ ތެރެއިން އެޅި ފިޔަވަޅެއްކަމަށް އަމީރު ވިދާޅުވިއެވެ. އަދި އެ ފިޔަވަޅުތައް ނާޅާނަމަ 14 ބިލިއަން ރުފިޔާއަށް ޑެފިސިޓް ބޮޑުވެގެންދާނެ ކަަމަށްވެސް އަމީރު ވަނީ ވިދާޅުވެފައެވެ.

ކޮވިޑް-19ގެ އިތުރުން, ދުނިޔޭގެ އިގްތިސާދީ މަސްރަހަށް އަންނަމުންދާ ބަދަލުތަކާއެކު، ރަނގަޅު ހަރުދަނާ ފިޔަވަޅުތަކެއް ނާޅައިފިނަމަ އިގްތިސާދު ރަނގަޅަށް ކުރިއަށް ނުދާނެކަމަށް ފިނޭންސް މިނިސްޓްރީން ބުނެއެވެ. އަދި މިހާތަނަށް އައިއިރު ރާއްޖޭގެ އިގްތިސާދު މި ހާލަތުގައި ހިފެހެއްޓިފައި އޮތީ ސަރުކާރުން އަޅާފައިވާ ފިޔަވަޅުތަކުގެ ސަބަބުން ކަމަށްވެސް އެ ވުޒާރާއިން ބުނެއެވެ.

އެ ބަދަލާއެކު ވިޔަފާރިތައް އަހުލުވެރިކުރުމަށް މޯލްޑިވްސް އިންލެންޑް ރެވެނިއު އޮތޯރިޓީ، މީރާއިން ވަނީ ގިނަ މަސައްކަތްތަކެއް ކޮށްފައެވެ. 2023ގެ ޖެނުއަރީ މަހުގެ 1 ވަނަ ދުވަހުން ޖީ.އެސްޓީ ރޭޓް ބޮޑުކުރުމާ ގުޅިގެން ވިޔަފާރިތައް އަހުލުވެރިކުރުމަށާއި އެ ބަދަލުތަކަށް ތައްޔާރުވުމުގެ ގޮތުން ވިޔަފާރިތަކުން ސަމާލުކަންދޭންޖެހޭ ކަންތައްތައް ހިމަނައިގެން 'ފެކްޓް ޝީޓް'އެއް ތައްޔާރުކޮށް, މީރާގެ ވެބްސައިޓްގައި މީރާއިން ވަނީ ޝާއިރުކޮށްފައެވެ.

މީގެއިތުރުން، މި ބަދަލަށް ތައްޔާރުވުމަށް ޓެކްސް ދައްކާ ފަރާތްތަކާއި އާންމުން ހޭލުންތެރިކުރުމުގެ ގޮތުން މީރާއިން ވަނީ ޚާއްސަ މަސައްކަތްތަކެއް ކޮށްފައެވެ. މީރާއިން ވަނީ އެކަމަށްޓަކައި ޚާއްސަ ކެމްޕެއިނެއްވެސް ހިންގާފައެވެ. މި ކެމްޕެއިންގެ ދަށުން މީރާގެ ޓީމުތަކުން ވަނީ މާލޭގެ އިތުރުން އަތޮޅުތަކަށް ޒިޔާރަތްކޮށް, ޓެކްސް ދައްކާ ފަރާތްތަކަށް ބޭނުންވާ މުހިންމު މައުލޫމާތާއި އެހީތެރިކަން ފޯރުކޮށްދީފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
100%
ކޮމެންޓް