ޒަކަރިއާ އަންނަނީ އޭނާގެ ފެންވަރު ދައްކަމުން: ޕޮޓާ
ޕޮޓާ ބުނީ ޓީމުގެ ފަރިތަކުރުންތަކުގައި ވެސް ޒަކަރިއާ ވަރަށް ރަނގަޅަށް މަސައްކަތް ކުރަމުން އަންނަ ކަމަށް
ޑެނިސް ޒަކަރިއާ
ޗެލްސީ އަށް ކުޅެމުން އަންނަ ސްވިޒަލެންޑުގެ ޑިފެންސިވް މިޑްފީލްޑަރު އަންނަނީ އޭނާގެ ފެންވަރު ދައްކަމުން ކަމަށް އެ ޓީމުގެ ކޯޗު ގްރަހަމް ޕޯޓާ ބުނެފި އެވެ.
ޔުވެންޓަސް ދޫކޮށް ޒަކަރިއާ ޗެލްސީ އަށް ބަދަލުވީ ލޯނު އެއްބަސްވުމެއްގެ ދަށުންނެވެ. ޕޮޓާ ބުނީ ޒަކަރިއާ ކުޅޭ ވަގުތުގައި، އޭނާ ޓީމުގެ ހިތްވަރު ދޫކޮށްނުލާ ކަމަށެވެ. ޕޮޓާ ބުނީ ޔުއެފާ ޗެމްޕިއަންސް ލީގުގައި ޒަގްރެބާ ދެކޮޅަށް ވެސް އޭނާ ކުޅުނު ކަމަށާއި، އެ މެޗުގައި ލަނޑު ޖަހާ އޭނާގެ ފެންވަރު ދެއްކި ކަމަށެވެ. މީގެ އިތުރުން ޕޮޓާ ބުނީ ޓީމުގެ ފަރިތަކުރުންތަކުގައި ވެސް ޒަކަރިއާ ވަރަށް ރަނގަޅަށް މަސައްކަތް ކުރަމުން އަންނަ ކަމަށާއި، އޭނާ އަންނަނީ ދުވަހަކަށްފަހު ދުވަހެއް ކުރި އަރަމުން ކަމަށެވެ.
ޕޮޓާ ބުނީ ޒަކަރިއާ ކެތްތެރިވާން ޖެހޭނެ ކަމަށާއި، ޓީމުގެ މެދު ތެރެއަށް ކުޅުމަށް ވަރަށް ރަނގަޅު އޮޕްޝަންތަކެއް އެބަ އޮތް ކަމަށެވެ. އޭނާ ބުނީ ފުރަތަމަ މެޗުތަކާ އަޅާ ބަލާއިރު، ޗެލްސީ ބަލިވެފައިވަނީ މަދު މެޗުތަކުން ކަމަށާއި، އެހެންކަމުން ޒަކަރިއާ އަށް ފުރުސަތު ލިބެން އުނދަގޫ ވެދާނެ ކަމަށެވެ.
ޗެލްސީން އެ ޓީމުގެ މެދު ތެރެ ވަރުގަދަ ކުރުމަށް މަސައްކަތް ކުރާއިރު، ޒަކަރިއާ ބޭނުންވަނީ ޕޮޓާ ހިތްހަމަޖެހޭ ފެންވަރުގެ ކުޅުމެއް ދައްކައި ދާއިމީ އެއްބަސްވުމެއްގެ ދަށުން އެ ކުލަބުގައި މަޑު ކުރަން ކަމަށް ރިޕޯޓުތައް ބުނެ އެވެ.
