އެސްޓީއޯ މާލެ ލީގުގައި ކްލަބު އިގަލްސްގެ މަށްޗަށް ކުރިހޯދައި ގްރީން ސްޓްރީޓުން ތާވަލުގެ 1 ވަނަ އަށް އަރައިފި އެވެ.

އާދިއްތަ ދުވަހު ގަލޮޅު ރަސްމީ ފުޓުބޯޅަ ދަނޑުގައި ކުޅުނު މި މެޗް ގްރީން ސްޓްރީޓުން ކާމިޔާބުކުރީ 2-0 ގެ ނަތީޖާއަކުންނެވެ. މެޗުގެ ހުރިހާ ލަނޑެއްވެސް ފެނިގެން ގޮސްފައިވަނީ ދެވަނަ ހާފުގެ ތެރޭގައެވެ.

ފުރަތަމަ ހާފުގައި ދެޓީމުގެ ފަރާތުންވެސް ފެނިގެން ގޮސްފައިވަނީ ވަރަށް އާދައިގެ ކުޅުމެކެވެ. އެގޮތުން ދެޓީމަށްވެސް ވަނީ ލަނޑެއް ކާމިޔާބުކުރަން ލިބުނު ފުރުސަތުތައް ބޭކާރުވެފައެވެ.

ނަމަވެސް ދެވަނަ ހާފު ފެށިގެން ގްރީން ސްޓްރީޓުގެ ފަރާތުން ވަނީ ރަނގަޅު ކުޅުމެށް ފެނިގެން ގޮސްފައެވެ. އެގޮތުން އެޓީމުން ދެވަނަ ހާފު ފެށީ މެޗުގެ ފުރަތަމަ ލަނޑާއެކުގަ އެވެ.

މެޗުގެ ފުރަތަމަ ލަނޑަކީ މެޗުގެ 46 ވަނަ މިނެޓުގައި އީގަލްސް ގެ ކުޅުންތެރިޔާ ހުސައިން ޝިފާއު އަތުން ބައިކޮޅަށް ވަތް ލަނޑެކެވެ. މި ލަނޑާއެކު ގްރީން ސްޓްރީޓުން ވަނީ ލީޑުގައި އޮވެ މޮޅު ކުޅުމެއް ދައްކާފަ އެވެ.

ދެވަނަ ލަނޑު ގްރީން ސްޓްރީޓުން ކާމިބުކުރީ މެޗު ނިމެން ވެފައި ވަނިކޮށެވެ. 86 ވަނަ ލަނޑު ދެވަނަ ލަނޑު ކާމިޔާބުކޮއްދިނީ އެޓީމުގެ ބިދޭސީ ކުޅުންތެރިޔާ ސޮބޮލް އިއްލިއާ އެވެ.

މެޗުން މޮޅުވެ ގްރީން ސްޓްރީޓުން ވަނީ ތާވަލުގެ 1 ވަނަ އަށް އަރައިފައެވެ. ލީގުގައި އެޓީމުން 5 މެޗު ކުޅެފައި ވާއިރު އެޓީމަށް ލިބިފައިވަނީ 10 ޕޮއިންޓެވެ. 2 ވަނާގައި 4 މެޗުން ލިބުނު 9 ޕޮއިންޓާއެކު އޮތީ ނިއުރޭޑިއަންޓް ސްޕޮޓްސް ކުލަބެވެ. މާޒިޔާއިން ހަމަ މިއަދަދަށް ޕޮއިންޓް ހީދައިގެން 3 ވަނާގައި އޮތް ނަމަވެސް އެޓީމުން އަދި ލީގުގައި ކުޅެފައިވަނީ 3 މެޗެ. 4 ވަނާގައި ޓީސީ އޮތީ 3 މެޗުން ލިބުނު 7 ޕޮއިންޓާ އެކުގަ އެވެ.