މާލެއިން ގެއްލިގެން ހޯދަމުންދިޔަ މީހާ ފެނިފައިވާކަމަށް ފުލުހުން ބުނެފިއެވެ.

ބުދަ ދުވަހު ފުލުހުން ކުރި ޓުވީޓެއްގައި ބުނީ ގެއްލިގެން ހޯދަމުންދަނީ ލ. މާވަށު، ކުންނާރުމާގޭ، 32 އަހަރުގެ މޫސާ އަނީސް ކަމަށެވެ. މިހާރު އޭނާ ފެނިފައިވާ ކަމަށާއި އާއިލާއާ ގުޅިފައިވާކަމަށް ފުލުހުން ބުނެއެވެ.

ފުލުހުން ބުނިގޮތުގައި އަނީސްގެ ހަބަރެއް ވެފައިވަނީ މި މަހުގެ 24 ވަނަ ދުވަހުއެވެ. އޭނާގެ އާއިލާ މެންބަރަކު ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފައިވާގޮތުން، އެންމެ ފަހުން އަނީސްއަށް ގުޅުނީ 24 ވަނަ ދުވަހުގެ 10:15ހާއިރުއެވެ. އޭނާ ގެއްލިގެން ފުލުހުންނަށް ރިޕޯޓްކޮށްފައިވަނީ މި މަހުގެ 27 ވަނަ ދުވަހުގެ ހަވީރުގެ ވަގުތެއްގައިކަމަށް ފުލުހުން ބުނެއެވެ.