މިނިސްޓަރ ޝައިނީ އަކީ ޕީޕީއެމް ޕާލިމެންޓްރީ ގްރޫޕުގެ އެންމެ މަގުބޫލް ނޫން މިނިސްޓަރ: އަމީތު
27 ޖޫން 2017 | އަންގާރަ 18:08މިނިސްޓަރ ޝައިނީއަކީ ރައީސް ޔާމީނުގެ ގާތް ކެމިނެޓް މެންބަރެއް
މެންބަރު އަމީތު މަޖިލީހުގައި ވާހަކަދައްކަވަނީ
މިނިސްޓަރ ޝައިނީ އަކީ، ޕީޕީއެމްގެ ޕާލިމެންޓްރީ ގްރޫޕުގައި އެންމެ މަގުބޫލު ނޫން މިނިސްޓަރު ކަމަށް މެންބަރު އަމީތު ވިދާޅުވެއްޖެއެވެ.
މިނިސްޓަރ ޝައިނީ އާއި ގުޅޭ ގޮތުން މަޑުއްވަރީ ދައިރާގެ މެންބަރު އަމީތު ކުރައްވާފައިވާ ޓްވީޓުގައި ވިދާޅުވެފައިވަނީ ފިޝަރީސް މިނިސްޓަރ ޑރ މުހައްމަދު ޝައިނީ އަކީ ރައީސް ޔާމީންގެ އަރިސް މިނިސްޓަރަކަށް ވުމުން އެއްވެސް މަޖިލީސް މެންބަރަކަށް އެއްޗެއް ވިދާޅުވަން ނުކެރުނު ނަމަވެސް، މިނިސްޓަރ ޝައިނީ އަކީ މެންބަރުން އެންމެ ހިތްޕުޅާނުވާ މިނިސްޓަރު ކަމަށެވެ.
މެންބަރު އަމީތު މިހެން ވިދާޅުވެފައިވާ އިރު މަހިބަދޫ ދައިރާގެ މެންބަރު އަހްމަދު ތޯރިގްގެ ފޭސްބުކް ޕޭޖްގައި އެބޭފުޅާ ކުރެއްވި ޕޯސްޓެއްގައި ވަނީ މިނިސްޓަރ ޝައިނީއަށް ވަރަށް ބޮޑަށް ފާޑުވިދާޅުވެފައެވެ.
އެގޮތުން ޑރ. ޝައިނީ ފިޝަރީޒް މިނިސްޓަރުގެ މަގާމުގައި ހުންނަވައިގެން މަސްވެރިންނަށާއި މަސްވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް ދިމާވެފައިވާ ދަތިތަކަށް ހައްލެއް ލިބިދާނެ ކަމަށް ގަބޫލު ނުކުރައްވާ ކަމަށާއި ސަރުކާރުގެ މެނިފެސްޓޯގައި ހިމެނޭ "ބެޔަސް ނުބެޔަސް" ސިޔާސަތު ތިން އަހަރު ވީއިރު ވެސް ކާމިޔާބު ވެފައިނުވާކަން ވަނީ ފާހަގަކުރައްވާފައެވެ. އަދި މަސްވެރިން ބާނާ މަސް ގަނެވޭނެ އެންމެ ދަށް އަގެއް ކަނޑައެޅުމާ ބެހޭ ރެގިއުލޭޓަރީ ބޮޑީ އުފެއްދުމަށް ރައްޔިތުންގެ މަޖިލީހުގެ ޕީޕީއެމްއަށް ނިސްބަތްވާ މެމްބަރުން އެދިލެއްވި އެދުންފުޅު ކުރިއަށް ނުގެންދާ ކަމަށް ތޯރިގް ވަނީ ވިދާޅުވެފައެވެ.
މިކަމަށް ޑރ ޝައިނީ އެއްޗެއް ވިދާޅުވެފައިނުވާ އިރު ރާއްޖެއެމްވީން އެކަމާ ގުޅޭ ގޮތުން މިނިސްޓަރ ޝައިނީއަށް މެސެޖު ކުރުމުން ޖަވާބުދީފައިވަނީ ހިނިފުޅުވެޑުވުމަކުންނެވެ.
