ކ. މާލެ
|
24 ޑިސެންބަރ 2022 | ހޮނިހިރު 04:13
ޒުވާން އެތުލީޓް އިބާދުﷲ، އިސްލާމިކް ސޮލިޑާރިޓީ ގޭމްސްގައި ދުވަނީ: ފޮޓޯ-އެމްއޯސީ
ޒުވާން އެތުލީޓް އިބާދުﷲ، އިސްލާމިކް ސޮލިޑާރިޓީ ގޭމްސްގައި ދުވަނީ: ފޮޓޯ-އެމްއޯސީ
އެމްއޯސީ
މޯލްޑިވްސް އޮލިމްޕިކް ކޮމިޓީ
އަންނަ އަހަރު ރާއްޖެއިން ފަސް ގޭމްސްއެއްގައި ބައިވެރިވަނީ
 
ރާއްޖެއިން ބައިވެރިވާނީ ކޮމަންވެލްތު ޔޫތު ގޭމްސް، އެނޮކް ވޯލްޑް ބީޗް ގޭމްސް، އިންޑިއަން އޯޝަން އައިލެންޑް ގޭމްސް، އޭޝިއަން ގޭމްސް، އަދި އޭޝިއަން އިންޑޯ އެންޑް މާޝަލް އާޓްސް ގޭމްސްގައި

ބައިނަލްއަގުވާމީ ފަސް ގޭމްސްއެއްގައި ދިވެހިރާއްޖެއިން އަންނަ އަހަރު ބައިވެރިވާނެކަމަށް، މޯލްޑިވްސް އޮލިމްޕިކް ކޮމެޓީ (އެމްއޯސީ)ން ހާމަކޮށްފިއެވެ.

ހުކުރު ދުވަހު އެމްއޯސީން އިއުލާންކޮށްފައިވާގޮތުން، އަންނަ އަހަރު ރާއްޖެއިން ބައިވެރިވާނީ ކޮމަންވެލްތު ޔޫތު ގޭމްސް، އެނޮކް ވޯލްޑް ބީޗް ގޭމްސް، އިންޑިއަން އޯޝަން އައިލެންޑް ގޭމްސް (އައިއޯއައިޖީ)، އޭޝިއަން ގޭމްސް، އަދި އޭޝިއަން އިންޑޯ އެންޑް މާޝަލް އާޓްސް ގޭމްސްގައެވެ.

މީގެ ތެރެއިން އައިއޯއައިޖީއަކީ އަންނަ އަހަރު ރާއްޖޭގައި ބޭއްވުމުގެ ފުރުސަތު ލިބުނު ގޭމްސްއެކެވެ. ނަމަވެސް ކޯވިޑް-19ގެ ސަބަބުން ރާއްޖެއަށް ވަނީ ގޭމްސް ހޯސްޓުކުރެވޭގޮތް ނުވެފައެވެ. އައިއޯއައިޖީ ހޯސްޓުކުރުމުގެ ފުރުސަތު ރާއްޖެއިން ދޫކޮށްލުމާއެކު، އަންނަ އަހަރުގެ ގޭމްސް ހޯސްޓުކުރުމަށް މަޑަގަސްކަރައިން ވަނީ ނިންމާފައެވެ. އަންނަ އަހަރުގެ އައިއޯއައިޖީ ކުރިއަށްދާނީ އޯގަސްޓު މަހުގެ 25ން ސެޕްޓެމްބަރު މަހުގެ ތިންވަނަ ދުވަހާ ހަމައަށެވެ.

އޭޝިއަން ގޭމްސްއަކީ ޗައިނާގައި ބާއްވަން ނިންމި ގޭމްސްއެކެވެ. ނަމަވެސް އެ ގައުމުގައި ކޮވިޑުގެ ހާލަތު ރަނގަޅު ނުވުމުގެސަބަބުން އަންނަ އަހަރަށް ގޭމްސް ފަސްކުރީއެވެ. މިހާރު ޗައިނާގައި ގޭމްސް ބާއްވަން ތާވަލްކޮށްފައި އޮތީ އަންނަ އަހަރުގެ ސެޕްޓެމްބަރު މަހުގެ 23ން އޮކްޓޫބަރު މަހުގެ އަށްވަނަ ދުވަހަށް، ހަންޒޫގައެވެ. އެނިކް ބީޗް ގޭމްސް ކުރިއަށްދާނީ އަންނަ އަހަރުގެ އޯގަސްޓު މަހުގެ ފަސްވަނަ ދުވަހުން 12 ވަނަ ދުވަހަށް، އިންޑޮނޭޝިއާގެ ބާލީގައެވެ. އޭޝިއަން އިންޑޯ އެންޑް މާޝަލް އާޓްސް ގޭމްސް އޮންނާނީ އަންނަ އަހަރުގެ ނޮވެމްބަރު މަހުގެ 17ން 26ށް ތައިލެންޑުގެ ބެންކޮކް އަދި ޗޮމްބޫރީގައެވެ.

އަންނަ އަހަރުގެ ކޮމަންވެލްތު ޔޫތު ގޭމްސް ކުރިއަށްދާނީ އޯގަސްޓު މަހުގެ ހަތަރަކުން 11 އަށް ޓްރިންޑާޑް އެންޑް ޓޮބޭގޯގައެވެ. ރާއްޖެއިން ވަނީ މިއަހަރު ކުރިއަށް ގެންދިޔަ ކޮމަންވެލްތު ގޭމްސްގައިވެސް ބައިވެރިވެފައެވެ. އެއީ ކޮމަންވެލްތުން ވަކިވުމަށްފަހު، މެދުކެނޑުމަކަށްފަހު ރާއްޖެއިން އެ ގޭމްސްގައި ބައިވެރިވި ފުރަތަމަ ފަހަރެވެ.

މިއަހަރު ރާއްޖެއިން ވަނީ ފަސް ގޭމްސްއެއްގައި ވާދަކުރަން ނިންމާފައެވެ. ނަމަވެސް ރާއްޖެއިން ވާދަކޮށްފައިވަނީ ދެ ގޭމްސްއެއްގައެވެ. އެއީ ކޮމަންވެލްތު ގޭމްސްއާއި އިސްލާމިކް ސޮލިޑާރިޓީ ގޭމްސްއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
100%
0%
0%
0%
0%
ކޮމެންޓް