މާފުށިން ބިއަރު ދަޅުތަކަކާއިއެކު މީހަކު ހައްޔަރުކޮށްފި
ފުލުހުން މި އޮޕަރޭޝަން ހިންގީ ހޯމަދުވަހުގެރޭ ދަންވަރު
މާފުށީ އޮޕަރޭޝަންގައި އަތުލައިގަތް ބިއަރު ދަޅުތައް
ކ.މާފުށީގައި ފުލުހުން ހިންގި ޚާއްސަ އޮޕަރޭޝަނެެެއްގައި ބިއަރު ދަޅުތަކަކާއިއެކު މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، ހޯމަދުވަހުގެ ރޭ 12.37 އިރު ކ. މާފުށީގައި ފުލުހުން ހިންގި މި އޮޕަރޭޝަންގައި ކ. މާފުށިން 15 ދަޅު ބިއަރު ހޯދާފައިވާކަމަށެެވެ. އަދި އެ ބިއަރު ދަޅުތަކާއިއެކު 40 އަހަރުގެ ފިރިހެނަކުވެސް ހައްޔަރުކޮށްފައިވާކަމަށް ފުލުހުން ބުންޏެވެ.
ފުލުހުން ބުނީ ހައްޔަރުކުރި މީހާގެ ބަންދަށް ކ. މާފުށީ މެޖިސްޓްރޭޓް ކޯޓުން 13 ދުވަސް ޖަހައިދީފައިވާކަމަށެވެ.
އަދި މި މައްސަލަ ތަހުގީގުކުރަމުންދާކަމަށް ފުލުހުން މައުލޫމާތުދެއެވެ. ފުލުހުން މިހާރު ހިންގާ އޮޕަރޭޝަން ތަކުގައި މި މަހުގެ މިހާތަނަށް ގިނަ އަދަދެއްގެ މަސްތުވާތަކެއްޗާއި ބަނގުރާ ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. އަދި އެ މައްސަލަތަކާއި ގުޅޭ މީހުން ވަނީ ހައްޔަރުކޮށްފައެވެ.
