އިންޓަރ ސްކޫލް ފުޓުބޯޅަ މުބާރާތުގެ ސެމީ ފައިނަލްގައި ވިލާ އިންޓަރނޭޝަލް ހައި ސްކޫލް ބަލިކޮށް ސެންޓަަ ފޯ ހަޔަރ ސެކެންޑްރީ އެޑިޔުކޭޝަން (ސީއެޗްއެސްއީ) ފައިނަލްގެ ފަހު ޖާގަ ހޯދައިފިއެވެ.
ބުދަ ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު ވިލާގެ މައްޗަށް ސީއެޗްއެސްއީން ކުރި ހޯދީ ޕެނަލްޓީގައެވެ. ފައިނަލް މެޗުގައި ފުރަތަމަ ލަނޑު ޖަހާ ލީޑު ނެގީ ވެސް ވިލާ އިންނެވެ. މެޗުގެ 21 ވަނަ މިނެޓުގައި އެ ޓީމަށް ލީޑު ނަގައިދިނީ މުޙައްމަދު އަޝްހާމް އަޝްރަފްއެވެ. އޭގެ ފަހުން މެޗުގެ 36 ވަނަ މިނެޓުގައި ވިލާ އަށް ލީޑު ފުޅާކޮށްދިނީ މުޙައްމަދު ކައިފް ރައިމޫން ކަމާލުއްދީންއެވެ. ވިލާ އިން ދެ ވަނަ ލަނޑު ޖެހިތާ މިނެޓެއް ފަހުން ސީއެޗްއެސްއީން ވަނީ ލަނޑެއް ޖަހައި އުއްމީދު ހޯދާފައެވެ. އެ ޓީމުގެ ފުރަތަމަ ލަނޑު ޖެހީ ދައްޔާން އަޙުމަދުއެވެ. ދެ ވަނަ ހާފަށް ނުކުމެ ސީއެޗްއެސްއީ އަށް ނަތީޖާ ހަމަހަމަކޮށްދިނީ މުޙައްމަދު ފައިޒާން ފަޒީންއެވެ.
ނަތީޖާ ނެރުމަށް ޖެހި ޕެނަލްޓީގައި ވިލާ އިން ވަނީ 12 ޕެނަލްޓީ އެއް ކާމިޔާބުކޮށްފައެވެ. ސީއެޗްއެސްއީން ވަނީ 13 ޕެނަލްޓީ ކާމިޔާބުކޮށް ވިލާ ބަލިކޮށްފައެވެ.
މުބާރާތުގެ ފައިނަލްގައި ސީއެޗްއެސްއީން ހޮނިހިރު ދުވަހު ނުކުންނާނީ ކެޔޮދޫ ސްކޫލާ ދެކޮޅަށެވެ.
