އޯ.އޭ.ސީ.ޕީ.އެސްގެ ސަމިޓަށްފަހު މިނިސްޓަރު ޝާހިދު މާލެ ވަޑައިގެންފި
11 ޑިސެމްބަރު 2022 | އާދީއްތަ 08:21އޯ.އޭ.ސީ.ޕީ.އެސް.ގެ ސަމިޓުގައި މިނިސްޓަރ އޮފް ފޮރިން އެފެއާޒް ޢަބްދުالله ޝާހިދު ބައިވެރިވެވަޑައިގަންނަވާފައި ވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޚާއްޞަ މަންދޫބެއްގެ ހައިޞިއްޔަތުން
އޯ.އޭ.ސީ.ޕީ.އެސްގެ ސަމިޓް
އޯގަނައިޒޭޝަން އޮފް އެފްރިކަން، ކެރީބިއަން އެންޑް ޕެސިފިކް ސްޓޭޓްސް (އޯއޭސީޕީއެސް)ގެ އެންމެ އިސްވެރިންގެ ސަމިޓުގައި ބައިވެރިވެވަޑައިގަތުމަށް އެންގޯލާގެ ލުއާންޑާއަށް ކުރެއްވި ދަތުރުފުޅު ނިންމަވާލެއްވުމަށްފަހު މިނިސްޓަރ އޮފް ފޮރިން އެފެއާޒް ޢަބްދުالله ޝާހިދު މާލެ ވަޑައިގެންފިއެވެ.
އޯ.އޭ.ސީ.ޕީ.އެސް.ގެ ސަމިޓުގައި މިނިސްޓަރ އޮފް ފޮރިން އެފެއާޒް ޢަބްދުالله ޝާހިދު ބައިވެރިވެވަޑައިގަންނަވާފައި ވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޚާއްޞަ މަންދޫބެއްގެ ހައިޞިއްޔަތުންނެވެ. މި ސަމިޓް ކުރިއަށް ގެންގޮސްފައިވަނީ މި ހިނގާ ޑިސެމްބަރު މަހުގެ 6 އިން 9 އަކަށެވެ.
އޯ.އޭ.ސީ.ޕީ.އެސް.ގެ މެންބަރު ޤައުމުތަކަށް މިވަގުތު ކުރިމަތިވެފައިވާ ގޮންޖެހުންތައް ޙައްލުކުރުމަށް ރާއްޖެއިން މަސައްކަތްކުރާނެ ކަމަށް މިނިސްޓަރު ޝާހިދު ވަނީ ވިދާޅުވެފައެވެ. އޯ.އޭ.ސީ.ޕީ.އެސްގެ މެންބަރު ޤައުމުތަކަށް ދިމާވެފައިވާ އެއްގޮތް މައްސަލަތައް ހައްލުކުރަން ރާއްޖެއިން މަސައްކަތްކުރާނެ ކަމުގެ ޔަޤީންކަން ޝާހިދު ދެއްވާފައި ވަނީ މި ސަމިޓުގެ ތެރެއިން ދެއްވި ބަޔާނުގައެވެ. އެ ބަޔާނުގައި ޖިއޮގްރަފީގެ ގޮތުން ދުރުގައި އޮތް ނަމަވެސް ރާއްޖެ އާއި އޯ.އޭ.ސީ.ޕީ.އެސްގެ މެންބަރު އެހެން ޤައުމުތައް އަބަދުވެސް ގުޅިފައިވާ ކަމަށް އެމަނިކުފާނު ވަނީ ވިދާޅުވެފައެވެ. އަދި ގައުމުތަކުގެ މެދުގައި ހުރި އެއްގޮތް އަސާސްތަކާއި ގޮންޖެހުންތަކުގެ ސަބަބުން ގައުމުތައް ގުޅިފައިވާ ކަމަށް މިނިސްޓަރު ވަނީ ފާހަގަކުރެއްވާފައެވެ.
