ފިނޭ އަދި މުލީގެ ބަނދަރާއި ރަސްމާދޫ ގިރާ ސަރަހައްދު ހިމާޔާތްކުރުމުގެ މަސައްކަތް އެމްޓީސީސީއަށް

ފިނޭ ބަނދަރު އަޕްގްރޭޑް ކުރުމާއި، މުލީގެ ބަނދަރުގެ ރިކޮންސްޓްރަކްޝަން މަސައްކަތް އަދި ރަސްމާދޫ ދެކުނު ފަރާތުގެ ގިރާ ސަރަހައްދު ހިމާޔާތްކުރުމުގެ މަސައްކަތް އެމްޓީސީސީއާއި ހަވާލުކޮށްފިއެވެ.

މި މަސައްކަތުގެ ތެރެއިން ފިނޭ ބަނދަރު އަޕްގްރޭޑް ކުރުމުގެ މަޝްރޫއުގެ ދަށުން މެދު ދިޔައިން ފެށިގެން 3.5- މީޓަރ ހަމަވަ ވަރަށް 41،332.31 ކިއުބިކް މީޓަރަށް ބަނދަރު ފުން ކުރުމާއި، މެދު ދިޔައިން ފެށިގެން 4.0- މީޓަރ ހަމަވާ ވަރަށް 5848.05 ކިއުބިކް މީޓަރު ސަރަހައްދެއްގައި ނެރު ފުންކުރުމަށް ހަމަޖހިފައިވެއެވެ.

Advertisement

ބަނދަރުގައި އިތުރަށް ކުރުމަށް ހަމަޖެހިފައިވާ މަސައްކަތްތަކުގެ ތެރޭގައި

ފިނޭ ބަނދަރުގެ މަސައްކަތުގެ އަގަކީ 47.26 މިލިއަން ރުފިޔާއެވެ. ކޮންޓްރެކްޓްގެ މުއްދަތަކީ 450 ދުވަހެވެ.

މުލީ ބަނދަރުގެ ރީކޮންސްޓްރަކްޝަންގެ މަސައްކަތުގެ ދަށުން މެދު ދިޔައިން ފެށިގެން 3.0- މީޓަރ ހަމަވާ ވަރަށް 33،888 ކިއުބިކް މީޓަރުގެ ސަރަހައްދެއްގައި ބަނދަރު ފުންކުރުމާއި، މެދު ދިޔައިން ފެށިގެން 4.0- މީޓަރު ހަމަވާ ވަރަށް 6254 ކިއުބިކް މީޓަރު ސަރަހައްދެއްގައި ނެރު ފުން ކުރުން ހިމެނެއެވެ.

ބަނދަރުގައި އިތުރަށް ކުރުމަށް ހަމަޖެހިފައިވާ މަސައްކަތްތަކުގެ ތެރޭގައި

މުލީ ބަނދަރު ހަވާލުކޮށްފައިވަނީ 65.55 މިލިއަން ރުފިޔާއަށެވެ. ކޮންޓްރެކްޓްގެ މުއްދަތަކީ 550 ދުވަހެވެ.

މީގެ އިތުރުން ރ. ރަސްމާދޫ ދެކުނުފަރާތުގެ ގިރާ ސަރަޙައްދު ހިމާޔަތްކުރުމުގެ މަޝްރޫޢު ގެ އެއްބަސްވުމުގައި ސޮއިކޮށްފައިވެއެވެ. މި އެއްބަސްވުމުގެ ދަށުން މިރަށުގައި ފާހަގަކުރެވިފައިވާ ރަށްގިރުމުގެ މައްސަލަ ހައްލުކުރުމަށްޓަކައި ރަށުގެ ގޮނޑުދޮށް ހިމާޔަތް ކުރެވިގެންދާނެއެވެ.

މަސައްކަތުގެ ސްކޯޕްގެ ތެރޭގައި ހިމެނެނީ ރަށުގެ ދެކުނުފަރާތުގެ ގިރާ ސަރަޙައްދު ހިމާޔަތް ކުރުމުގެ ގޮތުން 157 މީޓަރުގެ ރިވެޓްމަންޓް، 45 މީޓަރުގެ 5 ޓީ-ގްރޮއިން، 55 މީޓަރުގެ 1 ޓީ-ގްރޮއިން، އަދި އިތުރު ގްރޮއިންގެ ގޮތުގައި 43 މީޓަރު ޤާއިމްކުރުން ހިމެނެއެވެ.

މި މަސައްކަތުގެ އަގަކީ 17.88 މިލިއަން ރުފިޔާއެވެ. މި މަސައްކަތް ނިންމަން ހަވާލުކޮށްފައިވަނީ 210 ދުވަހުގެ ތެރޭގައެވެ.

މި 3 ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާޠިމަތު ޝާނާ ފާރޫޤްއެވެ. އަދި، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީ ޕަބްލިކް ލިމިޓެޑްގެ ފަރާތުން ސޮއި ކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމްއެވެ.