އީދާއި ގުޅިގެން އަޅުގަނޑުމުންގެ ދޭދޭ ގުޅުންތައް ބަދަހި ކުރަން ޖެހޭ: މަޖިލީހުގެ ރައީސް

އީދާ ގުޅިގެން އަޅުގަނޑުމުންގެ ދޭދޭ ގުޅުން ގުޅުންތައް ބަދަހި ކުރަން ޖެހޭ ކަމަށް ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދު ވިދާޅުވެއްޖެއެވެ.

ފިތުރުއީދު ދުވަހުގެ މުނާސަބަތުގައި މަޖިލީހުގެ ރައީސް އަބްދުﷲ މަސީހު ފޮނުއްވި ތަހުނިޔާގެ މެސެޖުގައި ވިދާޅުވީވެފައި ވަނީ އީދު ތެރޭގައި އަޅުގަނޑުމުންގެ އަހުންނާއި އުޙްތުންގެ ތެރޭގައި ތިބި އެހީ އަށް ބޭނުންވާ މީހުންގެ މަތިން ހަދާން ކުރަން ޖެހޭނެ ކަމަށެވެ.

އެގޮތުން އެ މީހުންނަށް އެހީތެރިކަން ފޯރުކޮށްދީ ހެޔޮއެދުންތައް ފޮނުވަން ޖެހޭ ކަން މަޖިލީހުގެ ރައީސް ފާހަގަ ކުރެއްވިއެވެ.

މީގެ އިތުރުން އަޅުގނޑުމުންގެ ދޭދޭ ގުޅުންތައް ބަދަހިކޮށް އާއިލާ އާއި އެކުވެރިންނާއި ރަހުމަތްތެރިންގެ މެދުގައި ތަހުނިޔާ ބަދަލުކޮށް ހެޔޮއެދުމުގެ ޝުއޫރު ފާޅުކުރުމަކީ އީދުގެ މުބާސަބަތުގައި އާލާކުރަން ޖެހޭ ރީތި އާދައެއް ކަމަށް މަޖިހުގެ ރައީސްގެ މެސެޖުގައި ވިދާޅުވެފައި ވެއެވެ.