ކުނި މެނޭޖް ކުރުމަށް ވޯލްޑް ބޭންކުން ރާއްޖެއަށް 17.5 މިލިއަން ޑޮލަރު ދެނީ!
24 ޖޫން 2017 | ހޮނިހިރު 13:17މި ފައިސާގެ އެހީ ރާއްޖެއަށް ދިނުމަށް ނިންމީ ވޯލްޑް ބޭންކްގެ ޑިރެކްޓަރުންގެ ބޯޑުން
މި ރޯދަމަހު މާލޭގެ މަގުތަކުގައި ކުނި ބެހެއްޓުން ވަނީ އާއްމުވެފައި
ކުނި މެނޭޖް ކުރުމަށް ވޯލްޑް ބޭންކުން ރާއްޖެއަށް 17.5 މިލިއަން ޑޮލަރު ދޭން ނިންމާފައިވާކަމަށް އެބޭންކުން ހާމަކޮށްފިއެވެ.
އެ ބޭންކުން ހުކުރުދުވަހު ނެރެފައިވާ ބަޔާނެއްގައި ބުނެފައިވަނީ، މި ފައިސާގެ އެހީ ރާއްޖެއަށް ދިނުމަށް ނިންމީ ވޯލްޑް ބޭންކްގެ ޑިރެކްޓަރުންގެ ބޯޑުންކަމަށެވެ.
ވޯލްޑް ބޭންކުން ބުނެފައިވަނީ، މި އެހީއަކީ، ރާއްޖޭގެ ވަކި ސަރަހައްދުތަކެއްގައި ކުނި މެނޭޖްކުރަން ދޭ އެހީއެއްކަމަށެވެ. އަދި މި ފައިސާ ބޭނުން ކުރާނީ ހަ އަހަރުގެ މުއްދަތަކަށް، ތިމާވެށްޓާ ރަށްޓެހި ގޮތަށް ކުނި ނައްތާލުމަށް ހޭދަ ކުރުމަށްކަމަށް ބުނެފައިވެއެވެ.
ނަމަވެސް އެހީގެ ފައިސާ ހަރަދު ކުރަނީ ކޮން ސަރަހައްދުތަކަކަށް ކަމެއް އެ ބަޔާނުގައި ބުނެފައެއް ނުވެއެވެ.
