50 ރުފިޔާގެ ނޫޓަށް ބަދަލުތަކެއް ގެނެސް އައު ޗާޕު ތައާރަފުކޮށްފިއެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން 50 ރުފިޔާގެ އައު ޗާޕު ލޯންޗުކޮށްފައިވަނީ އާދިއްތަ ދުވަހުއެވެ.
Advertisement
އެމްއެމްއޭއިން ބުނީ 50 ރުފިޔާގެ ނޫޓުގެ އައު ޗާޕަށް 3 ބަދަލެއް ގެނެސްފައިވާކަމަށެވެ. އޭގެ ތެރޭގައި ހިމެނެނީ:
- ދިވެހި ރުފިޔާގެ ނިޝާން ނޫޓުގެ ދެ ފަރާތުގައި ހިމެނުން
- ގަވަރުނަރު އަލީ ހާޝީމްގެ ސޮއި ހިމެނުން
- ތާރިޚު: 8 ސެޕްޓެމްބަރު 2022، 12 ސަފަރު 1444
އެމްއެމްއޭއިން ބުނީ 50 ރުފިޔާގެ އައު ނޫޓާއެކު މިހާރު ބޭނުންކުރަމުންދާ 50 ރުފިޔާގެ ނޫޓުވެސް ދައުރުކުރަމުންދާނެ ކަމަށެވެ. އައު ނޫޓު ދައުރުކުރަން ނެރޭ ތާރީޚު އެމްއެމްއޭއިން ހާމަކޮށްފައެއް ނުވެއެވެ.
