މިފަހަރުގެ އެވޯޑު ހާސިލްކުރީ 11 ނޫސްވެރިއެއް
13 ނޮވެމްބަރު 2022 | އާދީއްތަ 04:54މިފަހަރުގެ ގިނަ އެވޯޑްތައް ލިބިފައިވަނީ ނޫސް މަޖައްލާ ކެޓަގަރީން
2021 ވަނަ އަހަރުގެ އެންމެ މޮޅު ނޫސްވެރިޔާގެ އެވޯޑާ އައިމިނަތު ޝިފްލީން ހަވާލުވަނީ
މޯލްޑިވްސް މީޑިއާ ކައުންސިލްގެ "ނޫސްވެރިކަމުގެ އެވޯޑް 2021" އެވޯޑު ދީފިއެވެ.
ނޫސްވެރިކަމުގެ އެވޯޑް މިއަހަރު 2 ކެޓަގަރީއަކުން 12 ދާއިރާއަކަށް ދިނުމަށް ހުޅުވާލިއެވެ. ނަމަވެސް މީގެތެރެއިން 5 ދާއިރާއަކުން އެކަށީގެންވާ ހުޅަހެޅުންތައް ނުލިބުމުގެ ސަބަބުން، އެ ދާއިރާތަކުން އެވޯޑް ދީފައެއް ނުވެއެވެ.
ހަފްލާގައި ދިގު މުއްދަތަކަށް ނޫސްވެރިކަން ކޮށްފައިވާ ފަރާތްތަކުގެ އަގު ވަޒަންކުރުމުގެ ގޮތުން ވެސް އެވޯޑް ދީފައިވެއެވެ. "ހަޔާތީ އަރުތަ" ގެ ނަމުގައި އެ އެވޯޑް ދީފައި ވަނީ ދިގު މުއްދަތަކަށް ނޫސްވެރިކަމުގައި ހިދުމަތްކުރި ޑރ. އަލީ ރަފީގާއި މަޑުލު މުހައްމަދު ވަހީދަށެވެ.
މިފަހަރުގެ ގިނަ އެވޯޑްތައް ލިބިފައިވަނީ ނޫސް މަޖައްލާ ކެޓަގަރީންނެވެ. ބްރޮޑްކާސްޓިން ދާއިރާގެ ހުށަހެޅުންތައް މަދުކަމާއި، އަދި އެ ދާއިރާއިން ހުށަހެޅި ހުށަހެޅުންތަކުގެ ތެރޭގައިވެސް، އެކަށީގެންވާ ހުށަހެޅުންތައް ލިބިފައި ނުވާކަން މީޑިއާ ކައުންސިލުން ފާހަގަކުރެއެވެ.
