ކައުންޓަރ ޓެރަރިޒަމްގެ ޚާއްސަ އޮޕަރޭޝަނެއް މާލެއާއި އައްޑޫ ސިޓީ ސަރަހައްދުގައި ފަށައިފިއެވެ.

ފުލުހުން ބުނީ މި އޮޕަރޭޝަނަކީ ދިވެހި ފުލުހުންގެ ޚިދުމަތާއި މޯލްޑިވްސް ނެޝަނަލް ޑިފެންސް ފޯސް ގުޅިގެން ކުރިއަށް ގެންދާ އޮޕަރޭޝަނެއް ކަމަށެވެ.

މި އޮޕަރޭޝަން ކުރިއަށްގެންދަނީ މާލެއާއި އައްޑޫ ސިޓީއާއި އައްޑޫ ސިޓީގެ ކަނޑުގެ ސަރަހައްދުގައި ކަމަށް ފުލުހުން ބުނެއެވެ. ފުލުހުން ބުނީ މި އޮޕަރޭޝަންގެ އިތުރު ތަފްސީލު ހާމްކުރެވެން އޮތް މިންވަރަކުން ހާމަކުރަމުންގެންދާނެ ކަމަށެވެ.

މީގެ ކުރިންވެސް މާލެއާއި އައްޑޫ ސިޓީގެ އިތުރުން ރާއްޖޭގެ އެކި ސަރަހައްދުތަކުގައި ޓެރަރިޒަމާ ދެކޮޅަށް އޮޕަރޭޝަންތައް ހިންގާފައިވެއެވެ. އަދި މި އޮޕަރޭޝަންތަކުން ގިނަ ބަޔަކު ހައްޔަރުކޮށްފައިވެއެވެ.