އިނގިރޭސި ޕްރިމިއަރ ލީގު ތާވަލްގެ އެއްވަނާގައި އޮތް އާސެނަލް ކަޓުވާލުމަށްފަހު އިނގިރޭސި ލީގު ކަޕްގެ ހަތަރު ވަނަ ބުރުން ބްރައިޓަން ޖާގަ ހޯދައިފިއެވެ.

ބްރައިޓަން އާސެނަލްގެ މައްޗަށް ކުރި ހޯދީ 3-1 ނެވެ. މި މެޗު ބްރައިޓަންއިން ކާމިޔާބުކުރީ 20 ވަނަ މިނެޓުގައި ފުރަތަމަ ލަނޑު ޖަހާ އާސެނަލްއިން ކުރިހޯދާފައި ވަނިކޮށެވެ. އާސެނަލްއަށް ލަނޑު ޖަހައިދިނީ އެޑީ އެންކެޓިއާއެވެ. އޭގެ ހަތް މިނެޓުފަހުން ބްރައިޓަންއިން ނަތީޖާ ހަމަހަމަކުރީ ޕެނަލްޓީއަކުން ވެލްބެކްއެވެ. އެއީ ވެލްބެކަށް އާސެނަލްގެ ކީޕަރު ކުރި ފައުލަކަށް ދިން ޕެނަލްޓީއެކެވެ. ކުރި ހޯދީ ދެވަނަ ހާފްގައި މިޓޯމާ ޖެހި ލަނޑުންނެވެ. ލީޑް ފުޅާކޮށްދިނީ ލަމްޕްޓޭއެވެ.

މިބައްޔަކީ މިސީޒަންގައި ހުރިހާ މުބާރާތްތަކެއްގައި އާސެނަލް ކުޅުނު 20 މެޗުގެ ތެރެއިން ބަލިވި ތިންވަނަ މެޗެވެ. މެޗަށް ކޯޗު އާޓެޓާ ޓީމް ނެރުނީ ޗެލްސީ ބަލިކުރި ޓީމަށް 10 ބަދަލު ގެނެސްގެންނެވެ. އާޓެޓާ ބުނީ ކުޅުންތެރިން މަސައްކަތް ކުރިކަމަށާއި, ދޭއް ނުވަތަ ތިން ގޯލް ޖަހަން ދެވަނަ ހާފްގައި ފުރުޞަތުވެސް ލިބުނު ކަމަށެވެ.

1-0 ން ލީޑްސް ބަލިކޮށް, ވުލްވްސް ވެސް ވަނީ ހަތަރުވަނަ ބުރުން ޖާގަ ހޯދާފައެވެ.