އިޓާލިއަން ލީގުގައި ރޯމާ އާއި ސަސުއޯލޯ ބައްދަލުކުރި މެޗު އެއްވަރުވެގެން ނިމިއްޖެއެވެ.

ބުދަ ދުވަހުގެ ރޭ ސަސުއޯލޯގެ ދަނޑުގައި ކުޅުނު މެޗު އެއްވަރުވީ 1-1 އިންނެވެ. މެޗުން މޮޅުވެ ތާވަލްގެ ކުރިއަށް ޖެހިލުމުގެ ފުރުސަތު ރޯމާ އަށް އޮތެވެ. އެއީ ތާވަލްގެ ތިން ވަނައިގައި އޮތް ލާޒިއޯ އާއި ހަތަރު ވަނައިގައި އޮތް އިންޓަ މިލާން އަދި ފަސް ވަނައިގައި އޮތް އެޓަލަންޓާ އަށް ލިބެނީ 27 ޕޮއިންޓެވެ. މެޗަށް ނުކުތްއިރު ރޯމާ އަށް ލިބިފައިވަނީ 25 ޕޮއިންޓެވެ.

މެޗުގެ ލަނޑުތައް ފެނުނީ މެޗު ނިމެން 10 މިނެޓަށްވެފަައި ވަނިކޮށެވެ. މެޗުގައި ފުރަތަމަ ލަނޑު ޖަހާ ލީޑު ނެގީ ރޯމާ އިންނެވެ. 80 ވަނަ މިނެޓުގައި މަންޗިނީ ތަނަވަސްކޮށްދިން ފުރުސަތަކުން އެ ޓީމަށް ލީޑު ނަގައިދިނީ ޓަމީ އަބްރަހަމްއެވެ. ނަމަވެސް އޭގެ ފަސް މިނެޓު ފަހުން ސަސުއޯލޯގެ ޕިނަމޮންޓީ ވަނީ ލަނޑެއް ޖަހައި އެ ޓީމަށް ނަތީޖާ ހަމަހަމަކޮށްދީފައެވެ.

މެޗު އެއްވަރުވުމުން ރޯމާ އޮތީ ކުޅުނު 14 މެޗުން 26 ޕޮއިންޓާއެކު ތާވަލްގެ ހަ ވަނަ މަގާމުގައެވެ. ސަސުއޯލޯ އޮތީ 16 ޕޮއިންޓާއެކު 12 ވަނަ މަގާމުގައެވެ.