މިއީ ޔޫތު މިނިސްޓްރީން މުޅިން އަލަށް ތައާރަފު ކުރި އެވޯޑެއް
ސިވިލް ސޮސައިޓީ އެވޯޑްސް
ސިވިލް ސޮސައިޓީ އެވޯޑަށް އެދި ކުރިމަތިލުމުގެ ފުރުސަތު މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓުން ހުޅުވާލި މުއްދަތު އިތުރުކޮށްފިއެވެ.
މިއީ އިޖުތިމާއީ ގޮތުން މުޖުތަމައު ބާރުވެރިކުރުވުމަށް އަމިއްލަ އިސްނެގުމުގެމަތިން ތަފާތު ގޮތްގޮތުން ޖަމިއްޔާތައް ނިސްބަތްވާ މުޖުތަމައުގެ ރައްޔިތުންގެ ދިރިއުޅުމުގެ ހާލަތު ކުރިއެރުވުމަށް ހިލޭ ސާބަހަށް މަސައްކަތް ކުރުމުގައި މަދަނީ ޖަމިއްޔާތަކުގެ ތެރެއިން ނަމޫނާ ދައްކުވައިދޭ ފަދަ މަސައްކަތްތައް ކޮށްފައިވާ ޖަމިއްޔާތަކަށް ޤައުމީ ފެންވަރުގައި ދޭ އިނާމެކެވެ. މި އެވޯޑަށް ކުރިމަތި ލެވޭނީ ޖަމިއްޔާތަކާބެހޭ ގާނޫނުގެ ދަށުން ރަޖިސްޓްރީ ކޮށްގެން ހިންގާ މަދަނީ ޖަމިއްޔާތަކަށެވެ.
ޔޫތު މިނިސްޓްރީން ކުރިން މި އެވޯޑަށް ކުރިމަތިލުމަށް ހުޅުވާލީ ނޮވެމްބަރު 10 ވަނަ ދުވަހާ ހަމައަށެވެ. ނަމަވެސް މިހާރު ވަނީ އެ މުއްދަތު މި މަހުގެ 27 ވަނަ ދުވަހުގެ މެންދުރު 1:30 އާ ހަމައަށް އިތުރުކޮށްފައެވެ.
ސިވިލް ސޮސައިޓީގެ އެވޯޑަށް ކުރިމަތިލުމުގެ ފުރުސަތު އޮކްޓޯބަރު 25 އިން ފެށިގެން ހުޅުވާލާފައިވާއިރު 10 ދާއިރާއަކުން ޖަމިއްޔާތަކަށް ކުރިމަތިލެވޭނެއެވެ. އެއީ:
ސިވިލް ސޮސައިޓީ އެވޯޑަކީ ޔޫތު މިނިސްޓްރީން މުޅިން އަލަށް ތައާރަފު ކޮށްފައިވާ އެވޯޑެކެވެ. މި އެވޯޑަށް ޖަމިއްޔާތަކަށް ކުރިމަތިލެވޭނީ ކޮންމެ ޖަމިއްޔާއަކަށް ވެސް ކޮންމެވެސް އެއް ދާއިރާއަކަށެވެ.
