ބޭރު ފައިސާ ނެތިގެން ތެޔޮ ބޯޓު ލަންކާގެ ބޭރުގައި އޮންނަތާ 53 ދުވަސް
ލަންކާއިން މީގެ ކުރިން އޯޑަރުކޮށްގެން ގެނައި 2 ޝިޕްމަންޓަކަށް ފައިސާ ނުދައްކާ އެބަހުރި
ލަންކާއަށް ސާފުނުކުރާ ތެޔޮ ހިފައިގެން އައި ބޯޓު
ލަންކާ އިން އޯޑަރު ކުރި ސާފުނުކުރާ ތެޔޮހިފައިގެން އައި ބޯޓަށް ފައިސާ ނުދެއްކިގެން އެ ބޯޓު ލަންކާ ބޭރުގައި އޮންނަތާ 53 ދުވަސްވެއްޖެއެވެ.
ނިއުސް ފަސްޓް ލަންކާ ގައި ބުނެފައިވަނީ ސާފުނުކުރާ ތެޔޮ ހިފައިގެން އައި ބޯޓަކީ ލަންކާގެ އިދާރާތަކުން އޯޑަރު ދީގެން އައި ބޯޓެއް ކަމަށެވެ. އަދި އެ ބޯޓު ލަންކާ ކައިރީގައި އޮންނަތާ 53 ދުވަސްވެފައިވާ އިރުވެސް އޭގެ ކާގޯ އަށް ދައްކާނެ ފައިސާ ނެތިގެން އެކަން ނުވެފައިވާ ކަމަށެވެ.
މިނިސްޓްރީ އޮފް ޕަވަރ އެންޑް އެނަރޖީ އިން ބުނެފައިވަނީ ލަންކާއިން މީގެ ކުރިން އޯޑަރުކޮށްގެން ގެނައި 2 ޝިޕްމެންޓަކަށް ފައިސާ ނުދައްކާ އެބަހުރި ކަމަށެވެ. އަދި މިފަހަރު ގެނައި ތެޔޮ، ބޯޓުން ބޭލުމަށް އެ ބޯޓުން ދެކޮޅު ހަދާފައިވާ ކަމަށެވެ. ބޯޓުން ބުނެފައިވަނީ ކުރީ ދެ ފަހަރުގެ ޕޭމެންޓް ލިބުމުން ބޯޓުގައި ހުރި ތެޔޮ ބާލާނެ ކަމަށެވެ.
މިނިސްޓްރީން ބުނެފައިވަނި ލަންކާ ސަރުކާރުން ޑޮލަރުން ފައިސާ ދެއްކުމުގައި ދަތިތަކެއް ދިމާވެފައިވާ ކަމަށެވެ. މިކަމާއި ގުޅޭ އިތުރު މައުލޫމާތެއް މިނިސްޓްރީން ހިއްސާކޮށްފައި ނުވެއެވެ.
ލަންކާގެ ސަޕުގަސްކަންޑަ އޮއިލް ރިފައިނަރީ ބަންދުކޮށްފައި ހުންތާ ހަފްތާއެއްވަނީ ވެފައެވެ.
