ކ. މާލެ
|
4 ނޮވެންބަރ 2022 | ހުކުރު 11:28
ރެލީއެއްގައި ޓްރަމްޕް ވާހަކަފުޅުދައްކަވަނީ
ރެލީއެއްގައި ޓްރަމްޕް ވާހަކަފުޅުދައްކަވަނީ
ގެޓީ އިމޭޖަސް
ޓްރަމްޕް އެމެރިކާގެ ރިޔާސީ އިންތިޚާބަށް
ޓްރަމްޕް އަނެއްކާވެސް ރިޔާސީ އިންތިޚާބުގައި ވާދަކުރައްވާނެ ކަމުގެ އިޝާރާތެއް ދެއްވައިފި
 
ވަރަށް އަވަހަށް އުފާވެރި ޚަބަރު އާއްމުންނަށް ލިބިގެންދާނެ ކަމަށް ވިދާޅުވި

އެމެރިކާގެ ރިޔާސީ އިންތިޚާބުގައި އަނެއްކާވެސް ވާދަ ކުރައްވާނެ ކަމުގެ އިޝާރާތެއް އެ ޤައުމުގެ ކުރީގެ ރައީސް ޑޮނަލްޑް ޓްރަމްޕް ދެއްވައިފިއެވެ.

އެ ޤައުމުގައި މިހާރު ކުރިއަށްދާ މިޑް ޓާމް އިންތިޚާބުގެ ރެލީއެއްގައި އެމެރިކާގެ އައޮވާ އަށް ވަޑައިގެން ދެއްކެވި ވާހަކަފުޅުގައި ޓްރަމްޕް ވިދާޅުވީ އެމެރިކާ އަނެއްކާ ވެސް ކާމިޔާބު އަދި ރައްކާތެރި ޤައުމަކަށް ހެދުމަށް އަދިވެސް އެއް ފަހަރު ވެރިކަމަށް ވަޑައިގަތުމުގެ ފުރުސަތު އެބައޮތް ކަމަށެވެ. މިއީ 2024 ވަނަ އަހަރު އޮންނަ އެ ޤައުމުގެ ރިޔާސީ އިންތިޚާބުގައި ވާދަކުރައްވާނެ ކަމުގެ މިފަދަ ސީދާ އިޝާރާތެއް ޓްރަމްޕް ދެއްވި ފުރަތަމަ ފަހަރެވެ.

އިންތިޚާބުގައި ވާދަކުރައްވާނެ ކަމުގެ އިޝާރާތެއް ދެއްވުމުގެ އިތުރުން ޓްރަމްޕް ވަނީ ވަރަށް އަވަހަށް އުފާވެރި ޚަބަރު އާއްމުންނަށް ލިބިގެންދާނެ ކަމަށް ވެސް ވިދާޅުވެފައެވެ.

ޓްރަމްޕްގެ ކުރިގެ ސީނިއަރ ކައުންސެލަރު ކެލްޔޭން ކޮންވޭ ވެސް ވަނީ ޓްރަމްޕް ރިޔާސީ އިންތިޚާބުގައި ވާދަކުރައްވާނެ ކަމަށް ވިދާޅުވެފައެވެ. ނަމަވެސް އެކަން ރަސްމީކޮށް އިއުލާން ކުރައްވާނީ އަންނަ އަންގާރަ ދުވަހު ބާއްވާ މިޑްޓާމް އިންތިޚާބަށްފަހު ކަމަށް އޭނާ ވިދާޅުވިއެވެ.

މިޑްޓާމް އިންތިޚާބުގައި އެމެރިކާގައި ވޯޓުލުން ކުރިއަށްދަނީ އެ ޤައުމުގެ ހައުސް އޮފް ރެޕްރެޒެންޓެޓިވްސް އަދި ހައުސް އޮފް ސެނެޓްގެ މެމްބަރުން ހޮވުމަށެވެ. މި އިންތިޚާބުގައި ރިޕަބްލިކަން ޕާޓީން ވަދަކުރާ ކެންޑިޑޭޓުން ހޮވައި ކޮންގްރެސްގެ ފުރިހަމަ އަގުލަބިއްޔަތު ހޯދައި ހައުސް އޮފް ރެޕްރެޒެންޓެޓިވްސްގެ މިހާރުގެ ރައީސް، ނޭންސީ ޕެލޯސީގެ ކެރިއަރ އަބަދަށް ނިންމާލުމަށް ޓްރަމްޕް ވަނީ ގޮވާލައްވާފައެވެ.

ޓްރަމްޕް ގެންދަވަނީ އިންތިޚާބުގެ ރެލީތަކުގެ މިހާރުގެ ރައީސް ޖޯ ބައިޑެން އަށް ވެސް ފާޑުވިދާޅުވަމުންނެވެ. އެގޮތުން ބައިޑެންއަކީ މިހާތަނަށް އެމެރިކާ ދުށް އެންމެ ނާގާބިލު ރައީސް ކަމަށާއި އެމަނިކުފާނަކީ ޤައުމު ހިންގޭވަރުގެ ބޭފުޅެއް ނޫންކަމަށް ޓްރަމްޕް ވަނީ ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް