ފާއިތުވި ހަފްތާގައި ކޮވިޑް-19އަށް ޕޮޒިޓިވްވެފައިވަަނީ 84 މީހުން ކަމަށް ހެލްތު ޕްރޮޓެކްޝަން އެެޖެންސީ (އެޗްޕީއޭ) އިން ބުނެފިއެވެ.

އޮކްޓޯބަރ 23ން އޮކްޓޯބަރ 29 ވަނަ ދުވަހުގެ ނިޔަލަށް ރާއްޖޭގެ ކޮވިޑް-19ގެ ހާލަތު އެޗްޕީއޭއިން އާންމުކޮށްފައިވާއިރު، މި މުއްދަތުގައި މާލެ ސަރަހައްދުން 46 މީހުން ޕޮޒިޓިވްވެފައިވެއެވެ. އަތޮޅުތަކުން 9 މީހަކު ޕޮޒިޓިވްވެފައިވާއިރު އެހެނިހެން ހިސާބުތަކުން 29 މީހުން ޕޮޒިޓިވްވެފައިވެއެވެ. މިމުއްދަތުގައި ހޮސްޕިޓަލްތަކުގައި އެޑްމިޓްކޮށްގެން ފަރުވާ ހޯދާފައިވަނީ 16 މީހުންނެވެ.

މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ އަދަދު ވަނީ 185،364ށް އަރާފައެވެ. އަދި 308 މީހުން ވަނީ މިބަލީގައި ނިޔާވެފައެވެ.

އޭގެ ކުރީ ހަފުތާގައި ރާއްޖެއިން ކޮވިޑަށް ޕޮޒިޓިވްވެފައިވަނީ 86 މީހުންނެވެ.