ކ. މާލެ
|
22 ޖޫން 2017 | ބުރާސްފަތި 09:23
ރައީސް ޓްރަމްޕް އަދި ސައުދީ ކްރައުން ޕްރިންސް މުހަންމަދު ބިން ސަލްމާން
ރައީސް ޓްރަމްޕް އަދި ސައުދީ ކްރައުން ޕްރިންސް މުހަންމަދު ބިން ސަލްމާން
އޭއެފްޕީ
ގަތަރުގެ މައްސަލަ
ގަތަަރުގެ މައްސަލާގައި ސައުދީގެ އާ ވަލީއަހުދާއި ރައީސް ޓްރަމްޕް މަޝްވަރާކުރައްވަފި
 
ގަތަރުން ޓެރަރިޒަމަށް ހިތްވަރު ދޭ ކަމަށް ބުނެ ގަތަރާ އޮންނަ ޑިޕްލޮމިޓިކް ގުޅުން އަރަބި ހަ ގައުމަކުން ވަނީ ކަނޑާލާފައި

ސައުދީ  އަރަބިއްޔާގެ ވަލީއަހުދުގެ މަގާމަށް އަލަށް އައްޔަން ކުރެވުނު މުހަންމަދު ބިން ސަލްމާނަށް، ބުދަ ދުވަހު އެމެރިކާގެ ރައީސް ޓްރަމްޕް މަރްހަބާ ވިދާޅުވެ ގަތަރާއި ގަލްފުގެ ގައުމުތަކާ މެދު އުފެދިފައިވާ މައްސަލަތަކާ މެދު މަޝްވަރާ ކުރައްވައިފިއެވެ.

ވަލީއަހުދު ސަލްމާނާއި އަދި ރައީސް ޓްރަމްޕް ފޯނުން ކުރެއްވި މަޝްވަރާއާއި ގުޅޭ ގޮތުން ވައިޓް ހައުސް އިން ނެރުނު ބަޔާނެއްގައި ބުނީ ދެ ގައުމުގެ ވެރިންވެސް ބަދަހިގޮތެއްގައި، ދެ ގައުމުން ވެސް ގެންގުޅޭ އަމާޒުތަކަށް މަސައްކަތް ކުރުމަށް އެއްބަސްވި ކަމަށާއި އޭގެތެރޭގައި މެދުއިރުމައްޗާއި އަދި އެހެނިހެން ވެސް ސަރަހައްދުތައް ހިމެނޭ ގޮތުން އެ ތަންތަނުގެ ސަލާމަތާއި، ހަމަޖެހުމާއި، އަދި އިގްތިސާދީ ކުރިއެެރުމަށް މަސައްކަތްކުރުން ހިމެނޭ ކަަމަށެވެ. ބަޔާނުގައި އިތުރަށް ބުނީ ދެ ގައުމުގެ ވެރިން ޓެރަރިސްޓުންނަށާއި އަދި ހައްދުފަހަނައަޅައިފާ ފަރާތްތަކަށް އެއްވެސް ގޮތަކަށް ވާގިވެރިނުވުމާއި ގުޅޭ ގޮތުން މަޝްވަރާ ކުރެއްވި ކަމަށެވެ. މީގެ އިތުރުން ގަތަރާމެދު އުފެދިފައިވާ މައްސަލަތައްވެސް ހައްލު ކުރެވޭނެ ގޮތްތަކާމެދު ވެސް ދެބޭފުޅުން މަޝްވަރާ ކުރެއްވިއެވެ.

ވަލީއަހުދު ސަލްމާން ވެވަޑައިގެންފައި ވަނީ އަރަބި ލީޑަރުންގެ ތެރެއިން ރަސްމީކޮށް ރައީސް ޓްރަމްޕާއި ބައްދަލު ކުރެއްވި ފުރަތަމަ ލީޑަރެވެ. އެއީ މާޗް 2017 ގައެވެ. އޭރު އެމަނިކުފާނު ހުންނެވީ ވަލީއަހުދުގެ ނައިބު ކަމުގެ މަގާމުގައެެވެ.

ގަތަރުން ޓެރަރިޒަމަށް ހިތްވަރު ދޭ ކަމަށް ބުނެ ގަތަރާ އޮންނަ ޑިޕްލޮމިޓިކް ގުޅުން އަރަބި ހަ ގައުމަކުން ކަނޑާލާފައިވާއިރު އެގައުމުތަކަކީ ސައުދީ އަރަބިއްޔާ، ޔޫއޭއީ، މިސްރު، ބަހްރައިން, ޔަމަން އަދި ލީބިޔާ އެވެ. ގަތަރާ މެދު ކުރެވޭ އެންމެހާ ތުހުމަތުތައް ގަތަރުން ދޮގު ކުރެއެވެ.ސައުދީ، ޔޫއޭއީ ބަހްރައިން އިން އިން ވަނީ ގަތަރާ އޮންނަ ޑިޕްލޮމެޓިކް ގުޅުން ކަނޑާލުމުގެ އިތުރަށް އެގައުމުތަކުގެ ވައި، ކަނޑު އަދި އެއްގަމު މަގުވެސް ގަަތަރަށް ބަންދުކޮށްފައެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް