އާސެނަލް މޮޅުވެ، ދެވަނަ ބުރާ ގާތަށް
14 އޮކްޓޯބަރު 2022 | ހުކުރު 04:34އާސެނަލް އެއްވަނާގައި އޮތީ މެޗެއް މަދުން ކުޅެގެން
ޙަފްޞީ ޢަބްދުالله | 14 އޮކްޓޯބަރު 2022 | ހުކުރު 04:34
ސަލަނޑު ޖެހުމަށްފަހު އޮޑެގާޑާއެކު އުފާ ފާޅުކުރަނީ
އާސެނަލްގެ ރަނގަޅު ފޯމް ދަމަހައްޓާ, ޔޫރޮޕާ ލީގުގެ ދެވަނަ ބުރާ ގާތަށް ޖެހިލައިފިއެވެ.
އާސެނަލް ދެވަނަ ބުރު ޔަޤީންކުރުމާ ގާތަށް ޖެހިލީ އަމިއްލަ ދަނޑުގައި ނޯވޭގެ ބޯޑޯ/ގިލްމްޑް 1-0 ން ބަލިކޮށްގެން ހޯދި މޮޅާއެކުއެވެ. މެޗުގެ ހަމައެކަނި ލަނޑު ޖެހީ މިސީޒަންގައި މޮޅަށް ކުޅެމުން އަންނަ ސަކާއެވެ. 21 އަހަރުގެ ސަކާ ވަނީ ޕްރިމިއަރ ލީގުގައި ލިވަޕޫލް ބަލިކުރި މެޗުގައިވެސް ތަފާތު ދައްކާފައެވެ. އެމެޗުގައި ސަކާ ދެ ލަނޑު ޖެހިއެވެ.
މިމޮޅާއެކު އާސެނަލް ވަނީ ތިންވަނާގައި އޮތް ބޯޑޯ/ގިލްމްޑްއަށްވުރެ ފަސް ޕޮއިންޓު އިތުރަށް ހޯދާފައެވެ. އެއީ ތިން މެޗުންވެސް މޮޅުވެ 9 ޕޮއިންޓާއެކުއެވެ. ދެވަނާގައި އޮތީ ހަތް ޕޮއިންޓާއެކު ޕީއެސްވީއެވެ.
