ކްލަބް ފެންއާއި މޯލްޑިވިއަން ވެސް ފެށީ މޮޅަކުން

ކްލަބް ފެންއާއި މޯލްޑވިއަން ވެސް ކްލަބް މޯލްޑިވްސް ކަޕް މޮޅަކުން ފަށައިފިއެވެ.

ގްރޫޕް އޭގެ ކްލަބް ފެން ފުރަތަމަ މެޗު ކާމިޔާބުކުރީ މިފްކޯ ރެކްރިއޭޝަން ކްލަބާ ވާދަކޮށް 2-0 ނެވެ. މެޗުގައި ދެ ލަނޑު ވެސް ޖެހީ އަހުމަދު ރައްޔާންއެވެ. މެޗުގެ މޮޅު ކުޅުންތެރިއަކީ ވެސް އޭނާއެވެ. މިގްރޫޕްގައި ވެމްކޯ ވެސް ވަނީ ފުރަތަމަ މެޗު ކާމިޔާބުކޮށްފައެވެ.

ގްރޫޕް ބީގައި މޯލްޑިވިއަން ފުރަތަމަ މެޗު ކާމިޔާބުކުރީ މީޑިޔާނެޓާ ވާދަކޮށް 4-0 ނެވެ. ފުރަތަމަ ލަނޑާއި ފަހު ލަނޑު ޖެހި މެޗުގެ މޮޅު ކުޅުންތެރިޔާ އިބްރާހީމް ނަދާދުއެވެ. ދެވަނަ ލަނޑު ޖެހީ ހަމްޒާ މުޙައްމަދު (ހަމްޕު) އެވެ. ތިންވަނަ ލަނޑު ޖެހީ ހަމްދާން އަބުދުއްސައްތާރެވެ.

18/30 ވިމެންސް ފުޓްސަލް ފިއެސްޓާގައި ފުރަތަމަ މެޗު ދިވެހި ސިފައިންގެ ކްލަބް ވަނީ ކާމިޔާބުކޮށްފައެވެ. އެޓީމު މެޗު ކާމިޔާބުކުރީ ޓީމް ފެނަކައާ ވާދަކޮށް 4-0 ނެވެ. މެޗުގައި ސިފައިންގެ ހަތަރު ލަނޑުގެ ތެރެއިން ދެ ލަނޑު ޖެހީ ފާތިމަތު ތީބާއެވެ. އަނެއް ދެ ލަނޑު ޖެހީ ސަބީނާއާއި މަރިޔަމް ރިފާއެވެ. މެޗުގެ މޮޅު ކުޅުންތެރިއަކީ ތީބާއެވެ.

ވެމްކޯއާއި އެމްޕީއެލް ވާދަކުރި މެޗު ނިމުނީ 1-1 ން އެއްވަރުވެގެންނެވެ. ފުރަތަމަ ލަނޑު ޖަހާ ކުރި ހޯދީ ވެމްކޯއިންނެވެ. އެޓީމްގެ ލަނޑު ޖެހީ ފާތިމަތު ފަޒްލާއެވެ. އެމްޕިއެލްއަށް ނަތީޖާ ހަމަހަމަކޮށްދިނީ މިސް ނަޓަމޮންއެވެ.