ޕުޓިންގެ 70 ވަނަ އުފަންދުވަހު ހަދިޔާގެ ގޮތުގައި ޓްރެކްޓަރާއި ކަރާ ފުންޏެއް!
8 އޮކްޓޯބަރު 2022 | ހޮނިހިރު 07:50ސޯވިއެޓް ޔޫނިއަންގެ ކުރީގެ ސްޓޭޓުތަކުގެ ލީޑަރުންނާއެކު ޕުޓިން ބައްދަލު ކުރެއްވި
ޕުޓިންގެ އުފަން ދުވަހުގެ ހަދިޔާއަސް ލިބިވަދައިގެންނެވި ޓްރެކްޓަރ ގައި ޕުޓިން އާއި ލުކަޝެންކޯ
ރަޝިއާގެ ރައީސް ވްލަޑިމިއަރ ޕުޓިންގެ 70 ވަނަ އުފަންދުވަހު ބެލަރުސްގެ ރައީސްގެ ފަރާތުން ޚާއްސަ ހަދިޔާއެއް ދެއްވައިފިއެވެ.
އޮކްޓޯބަރު މަހުގެ 7 ވީ ހުކުރު ދުވަހު ޕުޓިންގެ އުމުރުފުޅުން 70 އަހަރު ފުރިފައިވާއިރު، ޕުޓިންގެ އަރިސް ބޭފުޅެއްކަމަށްވާ ބެލަރުސްގެ ރައީސް އެލެގްޒެންޑަރ ލުކަޝެންކޯ ދެއްވި ހަދިޔާއަކީ ޓްރެކްޓަރެކެވެ. ބެލަރުސް އަކީ ޓްރެކްޓަރ އުފެއްދުމުގެ މަސްއަކަތުގައި ވަރަށް ފާހަގަ ކޮށްލެވޭ ގައުމެކެވެ.
ސެއިންޓް ޕިޓަރސްބަރގް ގައި ސޯވިއެޓް ޔޫނިއަންގެ ކުރީގެ ސްޓޭޓުތަކުގެ ލީޑަރުންނާއެކު ޕުޓިން ޚާއްސަ ބައްދަލުކުރެއްވުންތަކެއް ބާއްވަވާފައިވާއިރު، އެކި ބޭފުޅުން ވަނީ ޕުޓިންއަށް އަގުހުރި ހަދިޔާތައް ދެއްވާފައެވެ. އެގޮތުން ލުކަޝެންކޯވެސް ސެއިންޓް ޕިޓްސްބަރގަށް ވަޑައިގަތީ ޕުޓިންއަށް މި ޚާއްސަ ހަދިޔާ ދެއްވުމަށްޓަކައެވެ.
ބެލަރުސްއާއި ރަޝިއާއަކީވެސް ހުޅަނގުން ބޮޑެތި ދަތިކުރުމުގެ ފިޔަވަޅުތައް އަޅާފައިވާ ދެ ޤައުމެވެ.
އޭގެ އިތުރުން، ތަޖިކިސްތާނުގެ ރައީސް އެމޯމަލީ ރަޙްމާން ވަނީ މެލަންއާއި، ކަރާ ބޭނުންކޮށްގެން ހަދާފައިވާ 2 "ފުނި" މޭވާ ޕުޓިންއަށް ހަދިޔާ ކުރައްވާފައެވެ.
ޕުޓިންގެ އުފަންދުވަހާއި ދިމާކޮށް ހުޅަނގުގެ ބައެއް ޤައުމުތަކުން ވަނީ ޕުޓިންއަކީ ހަނގުރާމައިގެ މުޖުރިމެއްކަން ބަޔާންކޮށް ޕުޓިންއަށް ފާޑުކިޔާފައެވެ.
