މާމެންދޫ ސިއްހީ މަރުކަޒުގެ އެކްސްޓެންޝަން އިމާރާތް ނިންމަން ބަޔަކާ ހަވާލުކޮށްފި
ލެބޯރަޓަރީ އިމާރަތުގެ މަސައްކަތް ވަނީ ހަވާލުކޮށްފައި
ތޯހިރާ އަޒްހާރް | 6 އޮކްޓޯބަރު 2022 | ބުރާސްފަތި 03:53
މާމެންދޫ ސިއްހީ މަރުކަޒުގެ މަސައްކަތް ރައިޒާ ޕްރައިވެޓް ލިމިޓެޑާ ހަވާލުކުރުން
ގއ.މާމެންދޫ ސިއްހީ މަރުކަޒުގެ އެކްސްޓެންޝަން އިމަރާތުގެ ނުނިމިހުރި މަސައްކަތްކުރުމަށް ރައިޒާ ޕްރައިވެޓް ލިމިޓެޑާ ހަވާލުކޮށްފިއެވެ.
ހެލްތު މިނިސްޓްރީއާ ރައިޒާ ޕްރައިވެޓް ލިމިޓެޑާ ދެމެދު ވެވުނު އެއްބަސްވުމެއްގެ ދަށުން އެކްސްޓެންޝަން އިމަރާތުގެ ނުނިމިހުރި މަސައްކަތުގެ އިތުރުން ލެބޯރަޓަރީ އިމާރަތް ކުރުމުގެ މަސައްކަތް ވެސް ވަނީ ހަވާލުކޮށްފައެވެ.
މި މަސައްކަތް ހަވާލުކޮށްފައިވަނީ 4،812،889.20ރ (ހަތަރު މިލިއަން އަށްލައްކަ ބާރަހާސް އަށްސަތޭކަ އަށްޑިހަ ނުވަ ރުފިޔާ ވިހިލާރި) އަށެވެ.
މި މަސައްކަތް ހަވާލުކޮށްފައިވަނީ 140 ދުވަހުގެ ތެރޭގައި ނިންމާށެވެ.
