ކާއޯގެ ރިސާޗަރެއް ކަމަށް ވާ އާޔާ ނަމްބާ ބުނީ، ތަފާތު އެކި ސަތަހަތަކުގައި މަދިރި ޖައްސާ އުޅޭ ގޮތް ބެލީ، ހައި-ސްޕީޑް ކެމެރާތަކުގެ އެހީގައި ކަމަށް
ދުނިޔޭގެ ސިއްޙަތު ޖަމިއްޔާގެ ރެކޯޑްތަކަށް ބަލާއިރު ދެކުނު އިރުމަތީ އޭޝިއާ ސަރަހައްދުން 2015 އަހަރާއި 2019 ވަނަ އަހަރާ ދެމެދު ރިޕޯޓް ކުރި ޑެންގޫ ކޭހުގެ ޢަދަދު ވަނީ 46 ޕަސެންޓު އިތުރުވެފައި
އިންފެކްޓުވެފައިވާ މަދިރިއެއް ހެފުމުގެ ސަބަބުން އިންސާނުންގެ ތެރޭގައި ފެތުރޭ ޑެންގޫ ވައިރަލް ހުމަކީ ތައިލޭންޑު ފަދަ ދެކުނު އިރުމަތީ އޭޝިއާގެ ޤައުމުތަކުގައި މި ފަހަކަށް އައިސް އިންތިހާ ނުރައްކާ ކުރިމަތި ކުރަމުންދާ ސިއްޙީ ބަލިމަޑުކަމަކަށް ވަނީ ވެފައެވެ.
ޑެންގޫއަށް ޕޮޒިޓިވްވާ ގިނަ ކޭސްތަކުން މާ ބޮޑު އަލާމާތްތަކެއް ނުފެނު ކަމުގައި ވީ ނަމަވެސް، ހާލަތު ގޯސްވެ، މަރާ ކުރިމަތިލާންޖެހޭ ފަހަރުވެސް މަދެއް ނޫނެވެ.
ތައިލޭންޑަށް ކުރިމަތިލާން ޖެހިފައިވާ ޑެންގޫގެ ބަލިމަޑުކަން ކޮންޓްރޯލު ކުރުމަށް އަތުކުރި އޮޅާލީ ޖަޕާނުގެ ކޮސްމެސްޓިކްސް ކުންފުނި، ކާއޯއިންނެވެ. ކާއޯއިން އުފެއްދީ އިންޤިލާބީ މޮސްކިޓޯ ރެޕަލަންޓްއެކެވެ. ނުވަތަ، އެ ތާސީރެއް، އިންސާނެއްގެ ހަންގަނޑުގައި ބޭނުން ކުރުމުން، މަދިރި އިންތިހާއަށް ރުޅިއަރާ ތާސީރެކެވެ.
ކާއޯ ކުންފުނީގެ އިންޤިލާބީ ތާސީރުގެ މައިގަނޑު މާއްދާއަކީ ސިލިކޯން ތެލެވެ.
މި ތާސީރު އުނގުޅާފައިވާ ހަންގަނޑެއް ހުރަސްކޮށް ލޭ ބުއިމަށް މަދިރި މަސައްކަތް ކުރާ ވަގުތު، އެ މަދިރީގެ ފައިތަކުގައި ތެޔޮ ހޭކި، ދަމައިގަންނަ ބާރެއް އުފައްދައެވެ. ނަތީޖާއެއްގެ ގޮތުން، މަދިރިއަށް މަޖުބޫރު ވަނީ އުދުހި ދިއުމަށެވެ.
ޒަމާނުއްސުރެ ބޭނުން ކުރަމުން އަންނަ މަދިރި ދުރު ކުރާ ތާސީރު އުފައްދާފައި ވަނީ، މަދިރީގެ ވަސްދުވުމުގެ ހިއްސަށް އުނިކަން ގެނުވާ ގޮތަށެވެ. މަދީރީގެ އަމާޒަށް ވާސިލުވެވުނަށް ނުދޭ ގޮތަށެވެ. ނަމަވެސް ކާއޯ ކުންފުނީގެ ތާސީރު ފަރުމާ ކޮށްފައި ވަނީ، މަދިރިއަށް އޭގެ މަސައްކަތް ކުރުމަށް ކުޅަދާނަ ނުވާ ފަދަ ވެއްޓެއް އުފެދޭ ގޮތަށެވެ.
ކާއޯގެ ރިސާޗަރެއް ކަމަށް ވާ އާޔާ ނަމްބާ ބުނީ، ތަފާތު އެކި ސަރަހައްދުތަކުގައި މަދިރި ޖައްސާ އުޅޭ ގޮތް ބެލީ، ހައި-ސްޕީޑް ކެމެރާތަކުގެ އެހީގައި ކަމަށެވެ.
ދުނިޔޭގެ ސިއްޙަތު ޖަމިއްޔާގެ ރެކޯޑްތަކަށް ބަލާއިރު ދެކުނު އިރުމަތީ އޭޝިއާ ސަރަހައްދުން 2015 އަހަރާއި 2019 ވަނަ އަހަރާ ދެމެދު ރިޕޯޓް ކުރި ޑެންގޫ ކޭހުގެ ޢަދަދު ވަނީ 46 ޕަސެންޓް އިތުރުވެފައެވެ.
ކާއޯ ކުންފުނިން ވަނީ ތައިލޭންޑުގައި ކިޔަވާ ކުދިންނަށް ހާއްސަކޮށްގެން، މަދިރި ހެފުމާ ގުޅޭ ހޭލުން ތެރި ކުރުވުމުގެ މަޝްރޫއެއްވެސް ފަށާފައެވެ.
ކާއޯ ކުންފުނިން އުފެއްދި އިންޤިލާބީ މޮސްކިޓޯ ރެޕަލަންޓް، ތައިލޭންޑްގެ ފިހާރަތަކުގައި ވިއްކަމުން ދަނީ 1.80 އެމެރިކާ ޑޮލަރަށެވެ.
