ހިމްނާ އާއި އިބާދުﷲ ޖެމެއިކާއަށް ފުރައިފި
މި ދެއެތުލީޓުންވެސް 2024 ވަނަ އަހަރުގެ އޮލިމްޕިކްސްއާ ހަމައަށް ޖެމެއިކާގައި ތަމްރީނުތައް ހޯދާނެ
ހިމްނާ އާއި އިބާދުﷲ
ރާއްޖޭގެ އެންމެ ބާރު އަންހެން ދުވުންތެރިޔާ އާއިޝަތު ހިމްނާ ހަސަން އާއި އުއްމީދު އެތުލީޓު އިބާދުالله އާދަމް ޖެމެއިކާއަށް ފުރައިފިއެވެ.
މި ދެއެތުލީޓުން ހޮނިހިރު ދުވަހުގެރޭ ޖެމެއިކާއަށް ފުރީ ތިން އަހަރުގެ ސްކޮލަޝިޕެއްގައި ތަމްރީނު ހާސިލްކުރުމަށެވެ. މި ދެއެތުލީޓުންވެސް 2024 ވަނަ އަހަރުގެ އޮލިމްޕިކްސްއާ ހަމައަށް ޖެމެއިކާގައި ތަމްރީނުތައް ހޯދާނެއެވެ. މިއީ ރާއްޖޭގެ ކުޅިވަރާއި ބެހޭ ވުޒާރާ އާއި އޮލިމްޕިކް ކޮމިޓީ އަދި އެތުލެޓިކްސް އެސޯސިއޭޝަން ގުޅިގެން މި ދެއެތުލީޓުންނަށް ހޯދައިދިން ފުރުސަތެކެވެ.
މި ދެއެތުލީޓުންނަކީވެސް އެތުލެޓިސްގެ މުސްތަގުބަލެއް އޮތް ދެއެތްލީޓުންކަން އެތުލެޓިކްސް އެސޯސިއޭޝަނުން ފާހަގަކުރެއެވެ. އަދި ތަމްރީނަށްފަހު ރާއްޖެ އައިސް މި ދެއެތުލީޓުންވެސް ރާއްޖެއަށް ރަނގަޅު ކާމިޔާބީތަކެއް ހޯދައިދޭނެކަމަށް އެސޯސިއޭޝަންގެ އިތުރުން ރާއްޖޭގެ ގިނަ ރައްޔިތުން އަންނަނީ އުންމީދު ކުރަމުންނެވެ.
ރާއްޖޭގެ އެންމެ ބާރު ދުވުންތެރިޔާ ހަސަން ސާއިދު ބޮޑު ކުރިއެރުމެއް ހޯދީ ޖެމެއިކާގެ ތަމްރީނުތަކުންނެވެ. އިބާދުالله އާއި ހިމްނާވެސް ޖެމެއިއާކަށް ދަނީ އޮލިމްޕިކް ސްކޮލަރޝިޕްގެ ދަށުންނެވެ. ސްކޮލަރޝިޕް މުއްދަތުގެ ތެރޭގައި ކުޔެވުމުގެ ފުރުޞަތުވެސް އެތްލީޓުންނަށް ލިބޭނެއެވެ.
