މެޗެއް ނުކުޅެ ކްލަބް އޭދަފުށި ސެންޓްރަލް ލީގުގެ ފުރަތަމަ ޑިވިޝަނަށް
ޅ.އަތޮޅުން ބައިވެރިވި ދެޓީމްވެސް ވަނީ މުބާރާތުން ވަކިވެފައި
ކްލަބް އޭދަފުށި ޓީމް: ފޮޓޯ-ކްލަބް އޭދަފުށި
މެޗެއް ނުކުޅެ ސެންޓަރަލް ލީގުގެ ފުރަތަމަ ޑިވިޝަނުން ކްލަބް އޭދަފުއްޓަށް ޖާގަ ލިބިއްޖެއެވެ.
ކްލަބް އޭދަފުށްޓަށް ފުރަތަމަ ޑިވިޝަންގެ ޖާގަ ލިބުނީ ސެންޓްރަލް ލީގުގެ ގްރޫޕް އޭގައި ވާދަކުރަން ދެން ބައިވެރިވި ދެ ޓީމް މުބާރާތުން ވަކިވުމުންނެވެ. މުބާރާތުން ވަކިވީ ޅ.ހިންނަވަރާއި ނައިފަރެވެ. އޭދަފުށީގައި އޮކްޓޯބަރު މަހު ފަށަން ތާވަލްކޮށްފައި އޮތް މުބާރާތް ނުކުޅެ, އޭދަފުށްޓަށް ފުރަތަމަ ޑިވިޝަންގެ ޖާގަ ލިބުނީ އެއްވަނަ ޓީމްގެ ގޮތުގައެވެ. ކްލަބް އޭދަފުށްޓަކީ އޯޕަން ރައުންޑް ކާމިޔާބުކޮށްގެން ދެވަނަ ޑިވިޝަނުން ޖާގަ ހޯދި ޓީމެކެވެ. ކްލަބް އޭދަފުށްޓަކީ ވަރަށް ދުރާލާ މުބާރާތަށް ތައްޔާރުވަމުން އައި ޓީމެކެވެ.
ސެންޓްރަލް ޒޯންގައި ހިމެނެނީ ބ,ޅ,ކ,އއ،އދ,ވ,މ,ފ އަދި ދ. އެވެ. މިއަތޮޅުތައް ވަނީ ފަސް ގްރޫޕަށް ބަހާލާފައެވެ. ގްރޫޕް ބީގެ ޗެމްޕިއަންކަން ހޯދީ ގުރައިދޫއެވެ. ގްރޫޕް އޭގެ ޗެމްޕިއަން ޓީމަކީ އޭދަފުށްޓެވެ.
