ސްޓޮކް މަދުވުމުން 50 ރުފިޔާގެ ނޫޓް އަލުން ޗާޕުކޮށްފި
50 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން އަލުން ޗާޕުކޮށްގެން 25 ސެޕްޓެމްބަރުގައި ރާއްޖެ ގެނެސް، ދައުލަތުގެ ޚަޒާނާގައި ވަނީ ރައްކާކޮށްފައި
ޕޮލިމާ ނޫޓް
"ރަންދިހަފަހެއް" ފައިސާ ނޫޓު ސީރީޒްގައި ހިމެނޭ 50 ރުފިޔާގެގެ ނޫޓުގެ އަލުން ޗާޕުކޮށްގެން ގެނެސްފިއެވެ.
މަރުކަޒީ ބޭންކް، އެމްއެމްއޭން ކުރި އިއުލާނެއްގައި ބުނީ 50 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން އަލުން ޗާޕުކޮށްގެން 25 ސެޕްޓެމްބަރުގައި ރާއްޖެ ގެނެސް، ދައުލަތުގެ ޚަޒާނާގައި ވަނީ ރައްކާކޮށްފައި ކަމަށެވެ.
އަލުން ޗާޕުކޮށްގެން ގެނައީ ކިހާ ފައިސާއެއް ކަމެއް އެ އޮތޯރިޓީއަކުން ނުބުނެއެވެ.
ކަރުދާސް ނޫޓް ބޭނުންކުރުން ހުއްޓާލައި، ރަންދިހަފަހެއް ސީރީޒްގެ ޕޮލިމާ ނޫޓް ބޭނުންކުރަން ފެށީ 2015 ގައެވެ. ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް، ފޮލިމާ ކަރުދާހުގައި ހަދާފައިވާ އެ އާ ނޫޓް ސީރީޒްގައި ހިމެނެނީ 5، 10، 20، 50، 100، 500 އަދި 1،000 ރުފިޔާގެ ނޫޓެވެ.
