ކުޅިވަރު
ސެންޓްރަލް ލީގު ދެވަނަ ޑިވިޝަން
މާފުށި އަތުން މޮޅުވީ ގުޅި
ގްރޫޕް އެއްވަނާގައި އޮތީ ގުރައިދޫ
ޙަފްޞީ ޢަބްދުالله, ރާއްޖެ އެމްވީ | 23 ސެޕްޓެމްބަރު 2022 | ހުކުރު 06:54
މާފުށްޓާއި ގުޅި ވާދަކުރި މެޗަށްފަހު
ސެންޓްރަލް ލީގުގެ ދެވަނަ ޑިވިޝަންގައި މާފުށު ބަލިކޮށް, ގުޅިން ފުރަތަމަ ޑިވިޝަނަށް ދިއުމުގެ އުއްމީދު ހޯދައިފިއެވެ.
ފުރަތަމަ މެޗުން ބަލިވެފައި އޮތް ދެޓީމްގެ މެޗު ގުޅި ކާމިޔާބުކުރީ 2-0 ނެވެ. ސެންޓްރަލް ލީގު ގްރޫޕް ބީގައި މާފުށި ނިއު ސްޓާ ސްޕޯރޓްސް ކޮޅަށް ގުޅީގެ ދެ ލަނޑު ޖެހީ މުޙައްމަދު ޔަޒީދުއާއި, އިބްރާހީމް ސިމާހުއެވެ. މިގްރޫޕްގައި ދެން ވާދަކުރާ ގުރައިދޫ އޮތީ ދެ މެޗުންވެސް މޮޅުވެ އެއްވަނާގައެވެ. ދެވަނާގައި އޮތީ ތިން ޕޮއިންޓާއެކު ގުޅިއެވެ. ދެ މެޗުން މާފުއްޓަށް ޕޮއިންޓެއް ނުލިބެއެވެ.
މިގްރޫޕުންވެސް ދެޓީމަށް ފުރަތަމަ ޑިވިޝަންގެ ޖާގަ ލިބޭނެއެވެ. އަތޮޅުތަކުގެ ޓީމްތަކުން ވާދަކުރަމުން ދަނީ 2024-2023 ވަނަ އަހަރުގެ ސީޒަންގެ ދިވެހި ޕްރިމިއަރ ލީގަށް ކޮލިފައިވުމަށެވެ.
