މުއިއްޒު ހޮވީމާ ވިއްކާލީ މަގު – މެންބަރު އިބްރާހިމް ރަޝީދު
ވީލްޗެއަރގައި ގެއިން ނުކުންނަ އިރު ގޭގެ ދޮރުމަތީގައި ޕާކްކޮށްފައި މި އޮންނަނީ، އެ ޕާކިން މި ވިއްކާލަނީ މުއިއްޒު
މާފަންނު މެދު ދާއިރާގެ މެންބަރު އިބްރާހިމް ރަޝީދު
މާލޭ ސިޓީގެ މޭޔަރުކަމަށް ޑރ. މުހައްމަދު މުއިއްޒު ހޮވުމުން ވިއްކާލީ މަގުތައް ކަމަށް މާފަންނު މެދު ދާއިރާގެ މެންބަރު އިބްރާހިމް ރަޝީދު ވިދާޅުވެއްޖެއެވެ.
އެއްގަމު ދަތުރުފަތުރުގެ ގާނޫނަށް ހުށަހެޅި އިސްލާހަށް ބަހުސް ކުރައްވަމުން މެންބަރު އިބްރާހިމް ރަޝީދު ވިދާޅުވީ ރައްޔިތުން މޭޔަރަކު ހޮއްވަވައިފި ކަމަށެވެ. ހޮއްވެވުމުން ވިއްކަލެއްވީ މަގުތައް ކަމަށެވެ. މެންބަރު ވަނީ މޭޔަރު މުއިއްޒު ރިޝްވަތު ނަންގަވަމުން ގެންދަވާ ކަމަށް ތުހުމަތު ކުރައްވާފައެވެ. އަދި މަގުތައް ވިއްކަމުން ގެންދަވާ އިރު މާލޭގެ ގަބުރުސްތާނުތައް ވެސް ނަގާ ޕާކިން ޒޯން ހައްދަވާނެކަމަށް މެންބަރު ވިދާޅުވިއެވެ.
މެންބަރު އިބްރާހިމް ރަޝީދު ވިދާޅުވީ ކަންކަން ރަނގަޅަށް ތަންފީޒު ނުކުރެވޭ ކަމަށެވެ. މާލެ ސިޓީ ކައުންސިލަށް ވެސް ކަންކަން ތަންފީޒު ނުކުރެވޭ ކަމަށާއި، މޭޔަރަށް ވެސް މިކަންކަން ނުކުރެއްވޭ ކަމަށެވެ. ކަނޑު ދަތުރުފަތުރުކުރާ އުޅަނދެއްގެ ކެޕޭސިޓީ އަކީ 12 މީހުންކަމަށާއި ހުއްދަ ދެވޭނީ 12 މީހުންނަށް ކަމަށްވާއިރު، މާލޭގައި 2 ލައްކަ ކާރާއި 3 ލައްކަ ޕިކަޕް ނުގެންގުޅެވޭނެކަން އަދި އެވަރު ޓްރާންސްޕޯޓް މިނިސްޓްރީން ދަންނަންޖެހޭނެކަމަށް މެންބަރު ވިދާޅުވިއެވެ.
އެއްގަމު ދަތުރުފަތުރުގެ ގާނޫނަށް ހުށަހަޅާފައިވާ އިސްލާހަކީ އެ ގާނޫނުގެ 13 ވަނަ މާއްދާއަށް އަކުރެއް އިތުރު ކުރުމެވެ. 13 ވަނަ މާއްދާގެ (ރ) ގެ ގޮތުގައި ހިމެނުމަށް ހުށަހަޅާފައިވާ އިސްލާހުގައި ބުނެފައިވަނީ މި މާއްދާގައިވާ ގޮތުގެ މަތިން ދިވެހިރާއްޖޭގައި އިންޖީނުލީ އެއްގަމު އުޅަނދު ރަޖިސްޓްރީކުރުމުގައި އަމިއްލަ ފަރާތެއްގެ ގަރާޖެއްގައި ނުވަތަ އަމިއްލަ ފަރާތެއްގެ އެނޫންވެސް ތަނެއް ނުވަތަ ބިމެއްގައި އެ އުޅަނދު ބޭއްވުން ލާޒިމުވެގެންނުވެއެވެ.
