ޔޫނިއަން ބާލިން ތާރީޚުގައި ފުރަތަމަ ފަހަރަށް ބުންޑަސްލީގުގެ އެއްވަނައަށް!

އެފްސީ ޔޫނިއަން ބާލިންގެ ތާރީޚުގައި ފުރަތަމަ ފަހަރަށް ބުންޑަސް ލީގު ތާވަލްގެ އެއްވަނައަށް ޖެހިލައިފިއެވެ.

ޔޫނިއަން ބާލިން ތާވަލްގެ އެއްވަނައަށް ޖެހިލީ 1-0 ން ކޮލޯން ބަލިކޮށް ހޯދި ތިން ޕޮއިންޓާއެކު, ހަ މެޗުން 14 ޕޮއިންޓް ހޯދައިގެންނެވެ. ޔޫނިއަން ބާލިން މޮޅުވި ލަނޑަކީ މެޗުގެ ތިންވަނަ މިނެޓުގައި ކޮލޯން ކުޅުންތެރިއަކު އަތުން ބައިކޮޅަށް ވަތް ލަނޑެކެވެ. ލީޑް ފުޅާކުރަން ލިބުނު ރަނުގެ ފުރުޞަތު ގެއްލުނީ 10 ވަނަ މިނެޓުގައި ލިބުނު ޕެނަލްޓީ ކޮލޯންގެ ކީޕަރު ދިފާއުކުރުމުންނެވެ. އޭގެފަހުން ޔޫނިއަން ބާލިންގއިން ޖެހި ގޯލެއް ވީއޭއާރުން ވަނީ ބަލައިނުގެންފައެވެ. މެޗު ކޮލޯންއިން ނިންމާލަން ޖެހުނީ 10 ކުޅުންތެރިންނާއެކުއެވެ. އެއީ ފަހު 10 މިނެޓުގައި ލޫކަ ކިލިއަންއަށް ދެވަނަ ރީނދޫކާޑާއެކު ރަތްކާޑް ދެއްކުމުންނެވެ.

ޔޫނިއަން ބާލިން މިސީޒަންގައި ލީގުގައި އަދި ބައްޔެއް ނުވެއެވެ. ޔޫނިއަން ބާލިންގެ އިތުރުން ބަލިނުވެ އޮތީ 12 ޕޮއިންޓާއެކު ތިންވަނާގައި އޮތް ބަޔާން މިއުނިކެވެ.