ޔޫކްރެއިންގެ އިރުމަތީ ދެ ސަރަހައްދަކުން ރަޝިއާ ސިފައިން ފައިބައިފި
11 ސެޕްޓެމްބަރު 2022 | އާދީއްތަ 02:10ރަޝިއާ ސިފައިން ބޭލުވުމަށް 3 ދުވަހުގެ އޮޕަރޭޝަނެއް ހިންގާފައިވޭ
ރަޝިއާގެ މިލިޓަރީ އުޅަނދުތައް ޚާރްކީވްއާ ދިމާލަށް ދަތުރުކުރަނީ
ޔޫކްރެއިންގެ އިރުމަތީ ދެ ސަރަހައްދަކުން ރަޝިއާގެ ސިފައިން ފައިބައިފިއެވެ.
ހޮނިހިރު ދުވަހު ރަޝިއާއިން ވަނީ ޔޫކްރެއިންގެ ސިޓީއެއް ކަމަށްވާ ބަލަކްލީޔާއިންނާއި އިޒްޔުމްއިން އެގައުމުގެ ސިފައިން ފައިބާނެކަން އިއުލާނުކޮށްފައެވެ.
މި ދެ ސިޓީން ރަޝިއާގެ ސިފައިން ބާލުވަން އެގައުމުން ނިންމާފައިވަނީ ޔޫކްރެއިންގެ އިރުމަތީގައި އޮންނަ ޑޮމްބާސް ދޫކޮށްލުމަށް ނިންމާފައިވާތީއެވެ. އަދި އެ ސަރަހައްދުތަކުގައި ތިބި ސިފައިން އެއް ތަނަކަށް ޖަމާކުރުމަށެވެ. ރަޝިއާގެ ސިފައިން އެ ދެ ސަރަހައްދުން ބޭލުވުމަށް 3 ދުވަހުގެ އޮޕަރޭޝަނެއް ހިންގާފައިވާކަމަށް އެ ގައުމުން ބުނެފައިވެއެވެ.
ބަލަކްލީޔާއިންނާއި އިޒްޔުމްއިން ރަޝިއާގެ ސިފައިން ފައިބާނެކަން ރަޝިއާއިން އިއުލާނުކުރުމުގެ ކުރިން ޔޫކްރެއިނުން ވަނީ ބަލަކްލީޔާ ޔޫކްރެއިނުން ހިފާފައިވާކަމަށް ބުނެފައެވެ.
