ސެޕްޓެމްބަރ 29ގެ ކުރިން އެއްބަސްވުމުގައި ސޮއިނުކުރާނަމަ ހިޔާ ފްލެޓް އަތުލަނީ
ފުލެޓު އެގްރީމަންޓްގައި ސޮއިކުރުމުގެ ކަންކަން ނިންމުމަށް ވަރަށްގިނަ ދުވަސްތަކެއް ދެވިފައިވޭ
ހިޔާ ފްލެޓް
ސެޕްޓެމްބަރ 29 ގެ ނިޔަލަށް އެގްރީމަންޓްގައި ސޮއިނުކުރާ ފަރާތްތަކުގެ ފުލެޓު ލިބުމަށް ހޮވިފައިވާ ހޮވުން ބާތިލްވާނެކަމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން ބުނެފިއެވެ.
ހިޔާ މަޝްރޫޢުގެ ދަށުން ފުލެޓު ލިބުނުފަރާތްތަކަށް އެގްރީމަންޓް ކުރުމަށް ދެވުނު މުއްދަތުގައި އެގްރީމަންޓްގައި ސޮއިކުރުމަށް ހާޒިރުވެފައިނުވާ ފަރާތްތަކަށް އިތުރު ފުރުޞަތު ދިނުމާގުޅޭ ގޮތުން މިނިސްޓްރީން ކޮށްފައިވާ އިއުލާނުގައި ވަނީ ހިޔާ މަޝްރޫޢުގެ ދަށުން ޢިމާރާތް ކޮށްފައިވާ 6720 ފުލެޓު ލިބުމަށް ހޮވިފައިވާ ފަރާތްތަކަށް ފުލެޓު އެގްރީމަންޓްގައި ސޮއިކުރުމުގެ ކަންކަން ނިންމުމަށް ވަރަށްގިނަ ދުވަސްތަކެއް ދެވިފައިވާކަމަށެވެ. އެހެންކަމުން މިހާތަނަށް އެޗް.ޑި.ސީ އާއެކު ފުލެޓު އެގްރީމަންޓްގައި ސޮއިކޮށްފައިނުވާ ފަރާތްތަކަށް އިތުރު ފުރުޞަތެއް ދޭކަމަށެވެ.
އިއުލާނުގައި މިހާތަނަށް ފްލެޓް އެއްބަސްވުމުގައި ސޮއިކޮށްފައިނުވާ 40 މީހެއްގެ ނަން ވަނީ ހިމަނާފައެވެ. އަދި އެފަރާތްތަކުން ސެޕްޓެމްބަރ 29ގެ ކުރިން ސޮއިކުރުމަށް ވަނީ އެދިފައެވެ.
ހިޔާ ފްލެޓްގައި މީހުން އުޅެން ފެށިތާ މިހާރު ވަނީ އެއް އަހަރު ވެފައެވެ.
