ޑިއޭގޯ ކޮސްޓާ ވުލްވްސްއަށް ބަދަލުވަނީ

އެތުލެޓިކޯ މިނެއިރޯ އަށް ކުޅެމުން އަންނަ ސްޕެއިންގެ ފޯވާޑް ޑިއޭގޯ ކޮސްޓާ ވުލްވްސް އަށް ބަދަލުވާން އުޅޭ ކަމަށް މީޑިއާ ރިޕޯޓުތައް ބުނެފިއެވެ.

މީޑިއާތަކުގައި ރިޕޯޓުކޮށްފައިވާ ގޮތުގައި އުމުރުން 33 އަހަރުގެ ކޮސްޓާ މިހާރު ވަނީ ވުލްވްސްއަށް ބަދަލުވުމަށް އެއްބަސްވެފައެވެ. އަދި ވުލްވްސްއަށް ބަދަލުވުމުގެ ކުރިން ހަދަން ޖެހޭ މެޑިކަލް ޓެސްޓުތައް ހެދުމަށް އަންގާރަ ދުވަހުގެ ވަގުތެއްގައި އޭނާ އިންގްލެންޑަށް ދަތުރުކުރާނެ ކަމަށް ވެސް ރިޕޯޓުތައް ބުނެއެވެ. މީގެ އިތުރުން ރިޕޯޓުތައް ބުނާ ގޮތުގައި ކޮސްޓާ ވުލްވްސްއަށް ބަދަލުވާނީ އެއް އަހަރު ދުވަހުގެ އެއްބަސްވުމެއްގެ ދަށުންނެވެ.

ޕޯޗުގަލްގެ ބްރަގާ އިން 2006 ވަނަ އަހަރު ސީނިއަރ ކެރިއަރު ފެށި ކޮސްޓާ ވަނީ ބޮޑެތި ކުލަބުތަކަށް ވެސް ކުޅެދީފައެވެ. އޭގެ ތެރޭގައި ސްޕެއިންގެ އެތުލެޓިކޯ މެޑްރިޑާއި، ޕްރިމިއަރ ލީގުގެ ޗެލްސީ ހިމެނެއެވެ. ސްޕެއިންގެ ޤައުމީ ޓީމަށް ވެސް ކޮސްޓާ ވަނީ 2014 އިން 2018 އަށް ކުޅެދީފައެވެ.