ބްރެޒިލްގެ މިޑްފީލްޑަރ ޕައުލީނިޔޯ ބާސާއަށް ބަދަލުވަނީ.؟

ޗައިނީސްގެ މަސްހޫރު ކުލަބެއް ކަމުގައިވާ ގުއްންޒޯ އެވަގްރޭޑްއަށް ކުޅެމުން އަންނަ ބްރެޒިލްގެ ތަޖުރިބާކާރު މިޑްފިލްޑަރު ޕައުލީނިޔޯ ބަސާއަށް ބަދަލުވާން އެއްބަސްވެފައިވާކަމަށް މީޑިއާ ރިޕޯޓްތަށް ބުނެފިއެވެ.

ރިޕޯޓްތަށް ބުނާގޮތުން ޕައުލީނިއޯ ބާސާއާ ގުޅެން ނިންމާފައިވަނީ 5 އަހަރު ދުވަހުގެ އެއްބަސްވުމެއްގެ ދަށުން 40 މިލިޔަން ޔޫރޯއަށެވެ.

ޕައުލީނިއޯ ބާސެލޯނާއަށް ބަދަލުވާން ނިންމާފައިވާ ކަމަށް ރިޕޯޓްތަށް ބުނެފައިމިވަނީ ލިވަޕޫލްގެ ބްރެޒިލް ތަރި ފިލިޕޭ ކޮޓީނިއޯ ހޯދުމަށް ބާސާއިން މަސައްކަތް ކުރަމުން އަންނަ ދަނޑިވަޅެއްގައެވެ. އެގޮތުން ބާސާއިން ވަނީ 90 މިލިއަން ޕައުންޑުގެ ބިޑެއްވެސް ކުޓީނިއޯ ހޯދުމަށް ލިވަޕޫލަށް ހުށައަޅާފައެވެ. އެހެން ނަމަވެސް ލިވަޕޫލުން ވަނީ އެކަން ގަބޫލްނުކޮށްފައެވެ.

ސްޕެއިންގެ މީޑިޔާއިން ޚަބަރު ފަތުރާގޮތުން ޕައުލީނިޔޯ މިއަދުގެ ވަގުތެއްގައި މެޑިކަލް ހެދުމަށް ބާސެލޯނާއަށް އަންނާނެއެވެ. އެހެންކަމުން ޕައުލީނިއޯ އެއްބަސްވުމުގައި މާދަމާގެ ވަގުތެއްގައި ސޮއިކުރާނެ ކަމަށްވެސް ރިޕޯޓްތަށް ބުނެއެވެ.

އުމުރުން 29 އަހަރުގެ މިޑްފީލްޑަރު ޕައުލީނިއޯ އަކީ މީގެކުރިން ބްރެޒިލްގެ ކޮރިންތިއަންސް އަދި އިންގިރޭސި ކްލަބު ޓޮޓެންހަމްއަށްވެސް ކުޅެފައިވާ ކުޅުންތެރިއެކެވެ. ބްރެޒިލްގެ ގައުމީ ޓީމުގައިވެސް މުހިންމު ދައުރެއް އަދާކުރަމުން އަންނަ ޕައުލީނިއޯ ޗައިނާއަށް ބަދަލުވީ 2015 ވަނަ އަހަރުގެ އޭޕްރީލް މަހުގެތޭގައެވެ. އޭނާ އެ ޓީމަށް ބަދަލުވެފައިވަނީ 14 މިލިޔަން ޔޫރޯއަށެވެ.

ޕައުލީނިޔޯގެ އިތުރުން ބާސާއިން ވަނީ ލިވަޕޫލް އަދި ބްރެޒިލްގެ އެޓޭކިމް މިޑްފީލްޑަރު ފިލިޕް ކުޓީނީއޯ ހޯދުމުގެ މަސަތްކަށް ވެސް ފަށާފަ އެވެ. އެގޮތުން ބާސާއިން ކުޓީނިޔޯ ހޯދުމަށް މިހާތަނަށް 2 ބިޑެއް ކޮސްފައިވާއިރު ލިވަޕޫލުން ވަނީ މި ދެ ބިޑަށްވެސް ފުރަގަސްދީފައެވެ. ރިޕޯޓްތަށް ބުނާގޮތުން ލިވަޕޫލުން ކުޓީނިއޯ ވިއްކާލާނީ 145 މިލިއަން ޕައުނޑަށެވެ.

ބާސާއިން އިތުރު ކުޅުންތެރިން ހޯދުމަށް މަސައްކަތް ކުރަމުންގެންދަނީ ދާދިފަހުން ދުނިޔޭގެ ރެކޯޑް އަގަކަށް އެކުލަބު ދޫކޮށް ޕީއެސްޖީއާ ގުޅުނު ނޭމާ ނެތްތަން ފޫބެއްދުމަށެވެ.