ހިމްނާއާއެކު އިބާދުالله ވެސް ތަމްރީނު ހޯދާނީ ޖެމެއިކާގައި
5 ސެޕްޓެމްބަރު 2022 | ހޯމަ 09:05މިމަހު އިބާދުﷲ ޖެމެއިކާއަށް ފުރާނެ
ޒުވާން އެތުލީޓް އިބާދުﷲ އިސްލާމިކް ސޮލިޑާރިޓީ ގޭމްސްގައި ދުވަނީ: ފޮޓޯ-އެމްއޯސީ
ރާއްޖޭގެ އެންމެ ބާރު އަންހެން ދުވުންތެރިޔާ އައިޝަތު ހިމްނާ ހަސަންއާއެކު އުއްމީދު އެތުލީޓު އިބާދުالله އާދަމްވެސް ޖެމެއިކާގައި ތަމްރީނު ހޯދާނެކަމަށް އެތްލެޓިކްސް އެސޯސިއޭޝަނުން ބުނެފިއެވެ.
މިއަހަރު 20 އަހަރު ފުރޭ އިބާދުالله ވެސް 2024 ވަނަ އަހަރުގެ އޮލިމްޕިކްސްއާ ހަމައަށް ޖެމެއިކާގައި ތަމްރީނުތައް ހޯދާނެއެވެ. އިބާދުالله ކުރިމަގު އުޖާލާ ރާއްޖެއަށް ރަން ވަނަތަކެއް ހޯދައިދޭނެ އެތްލީޓެއްކަމަށް އެސޯސިއޭޝަނުން ދެކެއެވެ. އޭނާއަކީ މިހާރުވެސް ޤައުމީ ޓީމްގެ އެތުލީޓެކެވެ. އެންމެފަހުން އޮތް އިސްލާމިކް ސޮލިޑާރިޓީ ގޭމްސްގައިވެސް ވާދަކުރިއެވެ. ދެ އެތްލީޓުންވެސް މިމަހުގެ ތެރޭގައި ފުރާނެއެވެ. މިހާރު ކުރަމުންދަނީ ވިސާ ހަމަޖެއްސުމުގެ ކަންތަކެވެ.
ރާއްޖޭގެ އެންމެ ބާރު ދުވުންތެރިޔާ ހަސަން ސާއިދު ބޮޑު ކުރިއެރުމެއް ހޯދީ ޖެމެއިކާގެ ތަމްރީނުތަކުންނެވެ. އިބާދުالله އާއި ހިމްނާވެސް ޖެމެއިއާކަށް ދަނީ އޮލިމްޕިކް ސްކޮލަރޝިޕްގެ ދަށުންނެވެ. ސްކޮލަރޝިޕް މުއްދަތުގެ ތެރޭގައި ކުޔެވުމުގެ ފުރުޞަތުވެސް އެތްލީޓުންނަށް ލިބޭނެއެވެ.
